Xəbər lenti
Cəbhədə artan gərginliyin PƏRDƏARXASI: “Paşinyanın Ermənistan ordusu üzərində nəzarəti tam deyil” - ŞƏRH
“Ermənistan ordusundakı generalitetin müəyyən hissəsi Rusiyaya biət etmiş hərbçilərdir”.
Manevr.az xəbər vrir ki, bu fikirləri yenicag.az-a açıqlamasında son günlər Ermənistan istiqamətindən Azərbaycanın müxtəlif ərazilərinin atəşə tutulmasının Nikol Paşinyanın “Rusiyanın sülhməramlı missiyasını gözdən salmaq və Qərb dövlətlərini prosesə cəlb etmək” niyyətindən qaynaqlandığına dair fikirlərə münasibət bildirən politoloq Qabil Hüseynli deyib.
Onun sözlərinə görə, Azərbaycan ərazilərinin atəşə tutulmasının arxasında Rusiyanın dayandığı şübhə doğurmur:
“Bu gün Ermənistan və onun hakimiyyəti hər hansı müstəqil addım atmaq iqtidarında deyil. O baxımdan, Paşinyanın guya hansısa məqsəd naminə cəbhədə gərginliyi artırmaq cəhdinə əl atması məsələyə çox səthi yanaşma olardı.
Bildiyiniz kimi, Ermənistan ərazisində Rusiyanın geniş hərbi kontingenti yerləşdirilib, az qala bütün infrastrukturuna nəzarət Rusiya şirkətlərrinin əlindədir. Eyni zamanda, Ermənistan ordusundakı generalitetin müəyyən hissəsi Rusiyada təhsil alıb və o ölkəyə biət edir.
Mən o fikirdə deyiləm ki, Paşinyan ölkənin Silahlı Qüvvələri üzərində nəzarəti itirib. Lakin ordunun daxilindəki bəzi generallar, o cümlədən orta və aşağı zabit heyətindəki bir sıra hərbçilərin əmri Moskvadan aldıqları şübhə doğurmur.
Həmçinin başda “Qarabağ klanı” olmaqla, Rusiyanın Ermənistanda heç də zəif olmayan “5-ci kolon”u mövcuddur. Belə bir vəziyyətdə Rusiya onların əli ilə müəyyən təxribatlar törətməkdə çətinlik çəkmir. Mənə belə gəlir ki, cəbhədə gərginliyin artmasının arxasında Rusiyanın bölgədəki mövqelərini gücləndirmək məqsədi dayanır”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Şou-biznes
Yazarlar
Emil Rasimoğlu
Emil Rasimoğlu
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
Sorğu
Portalımızı dəyərləndirin.
Çox oxunanlar