Xəbər lenti
Siyasi partiyalarda yoxlamalara başlanılır - YAP-dan sonra növbə hansı partiyanındır?
Hesablama Palatası təkcə hakim Yeni Azərbaycan Partiyasında (YAP) deyil, dövlət büdcəsindən maliyyə ayrılan digər siyasi təsisatlarda da yoxlamalar aparacaq.
Manevr.az xəbər verir ki. hit.az-a daxil olan məlumata görə, əsasən parlamentdə təmsil olunan və büdcədən maliyyələşən partiyaların vəsaitləri nəyə sərf etdiyi araşdırılacaq.
9 fevral 2020-ci il tarixdə növbədənkənar parlament seçkiləri nəticəsində formalaşan Milli Məclisdə 11 partiya yer qazanıb. YAP parlamentdə 70, Vətəndaş Həmrəyliyi Partiyası (VHP) 3, Böyük Quruluş Partiyası (BQP), Bütöv Azərbaycan Xalq Cəbhəsi Partiyası (BAXCP), Ana Vətən Partiyası (AVP), Vəhdət Partiyası, Azərbaycan Demokratik Maarifçilik Partiyası (ADMP), Azərbaycan Demokratik İslahatlar Partiyası (ADİP), Vətəndaş Birliyi Partiyasının (VBP), Milli Cəbhə Partiyası (MCP) və Respublikaçı Alternativ Partiyası (REAL) parlamentdə 1 deputatla təmsil olunur.
“Siyasi partiyalar haqqında” qanuna əsasən, dövlət büdcəsindən ayrılan maliyyə vəsaitinin ümumi məbləğinin 10 faizi seçkilərdə az səs toplamış siyasi partiyalar üçün nəzərdə tutulub. İrəli sürdüyü namizədlər Milli Məclisə keçirilən son seçkilərdə etibarlı səslərin azı 3 faizini qazanan, lakin parlamentdə təmsil olunmayan siyasi partiyalar arasında qazanılan səslərin sayına proporsional olaraq bölünəcək. Büdcə vəsaitinin 40 faizi parlamentdə təmsil olunan siyasi partiyalar arasında bərabər paylanacaq. Qalan maliyyə vəsaitinin 50 faizi isə Milli Məclisə seçilən deputatların sayına proporsional olaraq bölüşdürüləcək.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar