Xəbər lenti
"Paşinyan 10 noyabr və 11 yanvar sazişlərinə tam şəkildə əməl etsə..." - Politoloq
"Köçəryanın bu açıqlamasına ən lokal və dürüst cavabı Ermənistandakı parlament seçkilərinin son nəticələri verdi. Ermənilərin cəmi 21 faizi Köçəryanın təmsil etdiyi partiyaya səs verib”.
Manevr.az xəbər verir ki, bunu qaynarinfo-ya açıqlamasında politoloq Elşən Mirzəoğlu Ermənistanda parlament seçkilərində məğlub olan keçmiş prezident Robert Köçəryanın Nikol Paşinyan hakimiyyətinin mövcud kursu davam etdirəcəyi təqdirdə, il yarımdan sonra yenidən erkən parlament seçkilərinin keçiriləcəyilə bağlı səsləndirdiyi fikirlərə münasibət bildirərkən deyib. Həmsöhbətimizin sözlərinə görə, Paşinyan 10 noyabr və 11 yanvar sazişlərinə tam şəkildə əməl edərsə, Köçəryanın arzuladığı erkən parlament seçkiləri də olmayacaq:
"Seçkilərdə əksəriyyət Paşinyanı dəstəkləyib. Beləliklə əksər erməni seçicisi Köçəryana "yox” dedi. Bunun özü Köçəryanın açıqlamasına verilən cavabdır. İkinci bir tərəfdən, seçkinin nəticəsi Ermənistanın Qərbə doğru inteqrasiyasına dəstək deməkdir. Paşinyan bundan sonra Ermənistanın Qərbə inteqrasiyası yolunda daha ciddi şəkildə manevrlər edəcək. Ermənistan hökuməti digər tərəfdən 44 günlük müharibənin nəticələrini, bağlanan üçtərəfli razılaşmaları nəzərə almaya bilməz. Paşinyan anlayır ki, bu razılaşmalara əməl etmək perspektivdə Ermənistanın iqtisadi-sosial baxımından dirçəlişinə ciddi töhfə verə bilər”.
Politoloq düşünür ki, əslində Köçəryanın arzusunun gerçəkləşməməsi daha çox Paşinyanın özündən asılıdır:
"Ermənistan əsassız ərazi iddialarından imtina edərək, Türkiyə və Azərbaycanın ərazi bütövlüyünü tanısa, blokadadan da çıxacaq. Paşinyanın bunları etməyə siyasi iradəsi çatsa, perspektivdə ilyarım deyil, hətta üç ildən sonra Ermənistanda erkən parlament seçkilərinin keçirilməsinə heç bir ciddi ehtiyac da qalmayacaq. Köçəryan və Sarkisyan olsa-olsa Paşinyana münasibətdə müxalif mövqedə dayanan siyasətçilər olaraq qalacaqlar”.
E. Mirzəoğlunun fikrincə, Köçəryanın belə bir açıqlaması əslində onun dolayısı ilə seçkilərdə məğlub olduğunu növbəti dəfə etiraf etməsidir.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar