_99.jpg)
Xəbər lenti
“Paşinyan Azərbaycanla münasibətlərə üstünlük verən kadrı seçəcək” – XİN rəhbəri kim olacaq?
"Paşinyan XİN rəhbərliyinə Azərbaycanla münasibətlərə üstünlük verən kadrı gətirəcək”.
Manevr.az xəbər verir ki, bu sözləri sfera.az-a açıqlamasında Ermənistanda qısa zamanda Zöhrab Mnatsakanyan və Ara Ayvazyanın timsalında iki xarici işlər nazirinin istefa verməsinə münasibət bildirərkən politoloq Məhəmməd Əsədullazadə deyib.
Politoloq hesab edir ki, baş verənlər Ermənistan XİN-nin Paşinyanın siyasətini sabotaj etməsindən qaynaqlanır: "Ermənistanın müvəqqəti baş naziri Nikol Paşinyanın seçki öncəsi apardığı siyasətin bu ölkənin Xarici İşlər Nazirliyi tərəfindən sabotaj edildiyinin şahidi oluruq. Paşinyanın Azərbaycan və Türkiyə ilə bağlı müəyyən strategiyası var ki, XİN rəhbərliyindən gedən Ara Ayvazyan ona qarşı çıxırdı. Keçmiş XİN rəhbəri Ermənistan-Azərbaycan münasibətlərini qızışdıran mövqe sərgiləyirdi. Paşinyan ötən həftə Azərbaycanla sərhədlərin demarkasiya və delimitasiyası məsələsilə bağlı sənədlərə imza atacağını qeyd edib. Ayvazyan isə ona qarşı çıxdı, hətta o, 10 noyabr bəyanaməsindən xəbərinin olmadığını deyən əvvəlki nazir Mnatsakanyan kimi, sözügedən sənəd barədə məlumatsız olduğunu bildirib”.
M. Əsədullazadəyə görə, Paşinyan Ayvazyana ümumiyyətlə etibar etməyib: "Bu nazirlik hökumətin ümumi işinə maneə olurdu. Nəticədə XİN-də ümumən Robert Köçəryanın siyasətinə uyğun siyasətə üstünlük verənləri Paşinyan istefaya məcbur etdi”.
Politoloq düşünür ki, Paşinyan XİN rəhbərliyinə Azərbaycanla münasibətlərə üstünlük verən siyasətinə uyğun kadrları gətirəcək.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar