Xəbər lenti
“Azərbaycan həmin postlardan geri çəkilməyəcək!“
Ermənistanın baş nazirin müavini Mher Qriqoryan üçtərəfli danışıqların Azərbaycan-Ermənistan sərhədində gərginliyin yaranmasından sonra dayandırıldığını bildirib.
Onun sözlərinə görə, rəsmi İrəvan “Zəngəzur dəhlizi” məsələlərini müzakirə etməyib, müzakirə etməyəcək və belə bir müzakirə ümumən mümkün deyil. “Dəhliz anlayışı ilə kimlərsə nəqliyyat marşrutlarını nəzərdə tutursa, bu ayrı məsələdir, amma bu, suverenliklə əlaqəli hər hansı bir vəziyyət deməkdirsə, onda bir daha sizi inandırıram ki, bu, sadəcə gündəmimdə deyil”.
Manevr.az-ın məlumatına görə, məsələ ilə bağlı yenisabah.az-a danışan Milli Məclisin üzvü Aydın Mirzəzadə qeyd edib ki, bu açıqlama Ermənistanın Azərbaycanla sərhədləri dəqiqləşdirməsində maraqlı olmadığını göstərir:
“Çox qəribə bir təzad yaranıb, bir tərəfdən Ermənistan Azərbaycanla sərhəddə təxribatlar törədir, sabitliyi pozur, sonra isə sabitliyin pozulduğuna görə komissiyanın fəaliyyətinin mümkün olmadığını iddia edir. Bu onu göstərir ki, Ermənistan Azərbaycanla sərhəddə vəziyyətin stabil olmasında o qədər də maraqlı deyil. Diqqəti daxili siyasi vəziyyətdən, sosial məsələlərin həllinə yönəltməklə bir o qədər çox siyasi xal qazanmağa çalışırlar. Azərbaycan-Ermənistan sərhəddi 1976-cı ildə Müdafiə Nazirliyinin tərtib etdiyi xəritəyə əsasən hal-hazırda qurulur. Azərbaycan həmin xəritə əsasında öz ərazisində postlarını qurur və heç kəsə öz torpağını güzəştə getmək fikrində deyil. Ermənistan isə vaxtaşırı təxribat törədir, diversant qrupları göndərir və heç nədən bu gün hay-küy qaldırmağa çalışır. Əgər bununla onlar nə isə qazanacaqlarını umurlarsa, çox böyük səhv edirlər. Ölkənin daxili məsələlərini həll etməkdən, vətəndaşların problemlərinin nizama salınması üçün addımlar atmadansa, bu cür təxribatlar aparmaq heç bir hakimiyyətə uğur gətirmir. Azərbaycan isə artıq öz ərazi bütövlüyünü bərpa edib və bundan irəli gələrək Ermənistanla münasibətləri quracaq”.
Deputatın sözlərinə görə, Ermənistanın tezliklə Azərbaycanla sülh müqaviləsini imzalaması onların xeyrinədir:
“Sülh müqaviləsinin tezliklə imzalanması Ermənistanın xeyrinədir, amma imzalanmayana qədər də Azərbaycan 1976-cı il xəritəsinə əsasən öz sərhəd postunu qoruyacaq. Və Azərbaycan bu barədə bəyanat verib”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Sorğu
Portalımızı dəyərləndirin.
Çox oxunanlar