_99.jpg)
Xəbər lenti
"Laçın koridoru" məsələsində yol verdiyimiz ciddi səhv (ŞƏRH/VİDEO)
"Laçın dəhlizi" ifadəsiylə o ərazidən sanki beynəlxalq hüququn subyektlərini ya da bir dövlət ilə onun anklav ərazisini birləşdirən bir yol kimi bəhs etmək doğru deyil”.
Manevr.az xəbər verir ki, bu sözləri politoloq Araz Aslanlı Qarabağ məsələsində yaranmış vəziyyəti şərh edərkən deyib. Onun sözlərinə görə, "Dağlıq Qarabağ” ifadəsinin mediada və diplomatik müzakirələrdə işlənilməsi düzgün deyil:
"1998-ci ildən başlayaraq Azərbaycanda "Dağlıq Qarabağ" adlı inzibati ərazi vahidi olmadığını, "Dağlıq Qarabağ" ifadəsinin qüsurlu olduğunu, bu ifadənin işlədilməməli olduğunu irəli sürdük, Azərbaycan mediasına bununla bağlı geniş izahatı və təklifləri əhatə edən müraciətlər göndərdik. Türkiyədə və Azərbaycanda keçirilən konfranslarda münaqişənin mahiyyət və terminologiyası ilə bağlı məruzələr etdim, münaqişəyə yanaşma strategiyamızı dəyişdirməli olduğumuzu bildirdim. Çox məntiqli və haqlı olduğumuzu dedilər. Amma uzun müddət demək olar ki, nəzərə alan olmadı. İndi sevinirik ki, bu mövqe ən yüksək səviyyədə dövlət tərəfindən qəbul və elan olunur.
Amma başqa problemli yanaşma və ifadə davam edir: "Laçın koridoru" ("Laçın dəhlizi")
Ola bilsin ki, yanaşmam düzgün deyil. Amma mənim fikrimcə, ölkəmizin bir inzibati ərazi vahidini digər inzibati ərazi vahidinə, ya da dövlət sərhədinə birləşdirən yol dəhliz ("koridor") adlandırıla bilməz. "Laçın dəhlizi" kimi adlandırılan ərazi Xocalı və Şuşa rayonlarını, eləcə də Xankəndi şəhərini Azərbaycan-Ermənistan sərhədinə bağlayan yoldur.
Bu yol və ərazilərimizin digər müəyyən hissəsi üzərində suverenliyimizi bərpa etməməyimiz başqa (arzuolunmaz) məsələdir, inşallah uğurlu strategiya ilə o məsələ də həll olunar. Amma "Laçın dəhlizi" ifadəsiylə o ərazidən sanki beynəlxalq hüququn subyektlərini ya da bir dövlət ilə onun anklav ərazisini (Azərbaycan ilə Naxçıvan MR, Rusiya ilə Kalininqrad və s.) birləşdirən bir yolmuş kimi bəhs etmək doğru deyil. Termin və yanaşmalar strategiyanın vacib parçalarıdır. Bu səbəbdən çox diqqətli olmalıyıq”./qaynarinfo
Manevr.az
"Laçın koridoru" məsələsində yol verdiyimiz ciddi səhv
Xəbəri paylaş
Çox oxunanlar
Son yüklənənlər
Axtarış
Reklam
Media
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar