Xəbər lenti
Paşinyan Ermənistanı regiondan təcrid edib, uçuruma aparır
Ermənistan xalqı hələ də ağlı başında, özünün deyil də xalqının, dövlətinin maraqlarını müdafiə etmək iqtidarında olan lider tapa bilməyib. Ermənistanın hazırki baş naziri atdığı düşüncəsiz addımlarla öz ölkəsini bütün regiondan təcrid edir və beləliklə onsuz da aciz vəziyyətdə olan xalqını uçuruma sürükləyir.
Manevr.az bildirir ki, bunu Milli Məclisin deputatı Jalə Əhmədova deyib.
Deputat bildirib ki, bu Vətən müharibəsində kimin haqq və ədaləti, kimin də qanunsuzluğu dəstəklədiyini açıq gördük və görürük:
"30 illik işğalçılıq siyasəti yürüdən Ermənistan üçün bu müharibə tam iflasla nəticələndi. Region ölkələrinin, Rusiya, Türkiyə, Gürcüstan və hazırda İranın da məsələ ilə bağlı mövqeyi bir daha onu göstərir ki, Azərbaycan haqq yolundadır və öz ərazi bütövlüyünü bərpa edəcəkdir. Heç bir ağlı başında ölkə Ermənistanın haqsız mövqeyinə dəstək vermir və bu ölkənin qanunsuz işğal etdiyi torpaqlardan, yəni Azərbaycanın əzəli torpaqlarından çıxarmasını birmənalı zərurət kimi görürlər.
Bütün bunlara baxmayaraq, Azərbaycan Respublikasının Prezidenti cənab İlham Əliyevin sülhlə bağlı çağırışlarını rədd edən və qanunsuz işğala son vermək istəməyən "soros" oyuncağı Paşinyan bir mənalı şəkildə Ermənistanı regiondan təcrid edir. Halbuki, Ermənistan işğalçılıq siyasətindən əl çəksə və torpaqlarımızdan çıxsa inkişaf edə bilər, regionda həyata keçirilən layihələrdə iştirak edə bilər.
Bütün dünya ictimaiyyəti və xüsusən də erməni xalqı anlamalıdır ki, ermənilərin dünyaya qışqırdığı kimi bizim düşmənimiz erməni xalqı deyil, Ermənistanın hərbi-siyasi rəhbərliyi, parçalanaraq Yerevana köçmüş Dağlıq Qarabağdakı qondarma rejim, Ermənistanda və xaricdəki ayrı-ayrı millətçi, başıpozuq şəxslərdir".trend
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar