Xəbər lenti
Türkiyə Minsk Qrupunda həmsədr ola bilərmi? - Politoloq
"Azərbaycanın mövqeyi ondan ibarətdir ki, proses Minsk Qrupu həmsədrliyi çərçivəsindən bir az çıxarılsın, Azərbaycan, Ermənistan, Rusiya və Türkiyə - bu dördlü format daxilində münaqişə həll olunsun”.
Manevr.az xəbər verir ki, bunu qaynarinfo-ya açıqlamasında politoloq Şahin Cəfərli Türkiyənin danışıqlar masasında iştirakından danışarkən deyib. Politoloq qeyd edib ki, Türkiyə Minsk Qrupunun üzvüdur, amma həmsədr ölkə deyil:
"Ona görə də Türkiyənin bu mərhələdə danışıqlar masasında hansı statustda oturacağı bir az mübahisəli məsələdir. Amma məlum olan budur ki, Azərbaycan Prezidenti Türkiyənin də bu prosesə hansısa şəkildə aktiv qoşulmağını istəyir. Yəni, ola bilər ki, Türkiyə həmsədr olmasın, çünki bu, çətin məsələdir. Türkiyənin həmsədr olması üçün Ermənistanın razılığı tələb olunur. Ermənistan isə buna razı olmayacaq. Amma həmsədr kimi olmasa da, Türkiyə əldə olunan razılaşmalarda mühüm təminatçı, yəni qarantor ölkə kimi çıxış edə bilər. Azərbaycanın da mövqeyi bundan ibarətdir, Prezident də müsahibəsində vuğuladı ki, Türkiyə və Rusiya ikisi birlikdə bu problemin həllində mühüm rol oynaya bilər. Azərbaycan tərəfi belə hesab edir ki, bu yeni formatda münaqişənin həlli ehtimalı daha realdır, nəinki Minsk Qrupunun mövcud həmsədrliyi çərçivəsində. Mən Prezidentin sözlərindən də belə anlayıram”.
Şahin Cəfərlinin fikrincə, Rusiya Türkiyənin bu prosesə aktiv şəkildə qoşulmasında maraqlı deyil:
"Rusiya Qafqaza yeni və kənar bir oyunçunun müdaxilə etməsini istəmir. Moskva anlaşmasının 4-cü maddəsində də qeyd olunur ki, tərəflər münaqişənin həlli prosesində mövcud formatın dəyişilməzliyini təsdiqləyir. Bu o deməkdir ki, əlavə bir ölkənin bu prosesə daxil olmasına tərəflər razı deyil. Burada əsas Rusiyanın mövqeyindən söhbət gedir. Rusiya Türkiyənin aktiv şəkildə bu prosesə qoşulmasını istəmir. Ona görə Türkiyənin bu prosesdə hansı rol oynayacağı qeyri-müəyyən olaraq qalır”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Sorğu
Portalımızı dəyərləndirin.
Çox oxunanlar