Xəbər lenti
Sabiq Baş Nazir Prezidentin təklifindən imtina etdi
Livanın üç sabiq Baş Naziri – Təmmam Salam, Saad Hariri və Nəcib Mikati ölkə Prezidenti Mişel Aunun yeni hökumət qurulması təklifindən imtina ediblər. Avqustun 4-də Beyrutda baş vermiş dəhşətli partlayışdan sonra başlayan etiraz dalğası fonunda istefa verən Baş Nazir Həsən Diabdan sonra ölkədə siyasi böhran davam edir.
Yeni hökumətdə daha çox yer qazanmaq uğrunda siyasi partiya və hərəkatların rəhbərləri arasında mübarizə davam edir. Korrupsiya ilə əlaqədar yeni faktların üzə çıxdığı bir şəraitdə "Hizbullah” hərəkatı və onun tərəfdarları ilə sünni, habelə xristian siyasətçilərin ixtilafları isə açıq müstəviyə keçməkdədir. Bu gərginlik Livan cəmiyyətinə də sirayət edir. Belə ki, Beyrutda Aşura günü öncəsi divarlara plakat asmaq istəyən şiə gənclərlə sünnilər arasında baş verən silahlı atışma nəticəsində 2 nəfər həyatını itirib. İnsidentin baş verdiyi əraziyə təhlükəsizlik qüvvələri cəlb olunub.
Avqustun 31-də Livan Prezidentinin iştirakı ilə parlamentdə yeni hökumətin formalaşdırılması barədə müzakirələr aparılacaq. Proqressiv Sosialist Partiyasının lideri Valid Camblat bildirib ki, qanunverici orqanda köhnə koalisiya şərtlərini yerinə yetirmək mümkün olmayacaq. Onun sözlərinə görə, artıq siyasi partiyalar arasında etimad yoxdur və müzakirələr nəticəsiz ola bilər.
Sentyabrın 1-də Livana yenidən səfər edəcək Fransa Prezidenti Emmanuel Makronun yerli siyasətçilər arasında konsensusun əldə olunmasına çalışacağı da bildirilir./AZƏRTAC
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar