Xəbər lenti
“İcra başçılarına çox səlahiyyət və az maaş verildiyi üçün onlar rayonu çapıb-talayırlar” - Ekspert
Dövlət idarəçiliyinin 3 qolundan biri olan icra hakimiyyətləri ilə bağlı həbs xəbərləri davam edir.
Geniş səlahiyyətlərə və hüquqlara malik olan icra başçıları Cinayət Məcəlləsinin "vəzifə səlahiyyətlərindən sui-istifadə etmə", "təkrar rüşvət alma", "mənimsəmə faktlarına görə" maddələri ilə ittiham olunurlar.
İcra başçılarının həbs xəbərləri sosial mediada müzakirələrə səbəb olub. Müzakirələrdə bu idarəçilik sisteminin ləğv edilməsini, yeni idarəçilik sisteminin yaradılmasını tələb edənlərlə yanaşı icra başçılarının xalq tərəfindən seçilməsini, bu orqanın seçkili sistemə çevrilməsini də tələb edənlər oldu.
Manevr.az-ın məlumatına görə, iqtisadçı-ekspert Natiq Cəfərli bizimyol.info-ya bildirib ki, rayon icra hakimiyyətləri institut olaraq özünü doğrultmadı və bu qurum ləğv olunmalıdır.
Ekspert bildirib ki, təfəkkür, yanaşma və siyasət dəyişməlidir: “Rayon icra hakimiyyəti sovetdən qalma birinci katibliyin Azərbaycanın müstəqillik variantına çevrildi. O zaman birinci katib rayonlarda özünü necə aparırdısa, indiki icra başçıları da eyni qaydada özünü aparmağa başladı. Bu da icra hakimiyyəti institutunun özündən qaynaqlanır.
İcra başçısı vəzifəsi ləğv olunmalı, yavaş-yavaş seçkili özünü idarəetmə orqanlara keçmək lazımdır. Hamı yaxşı bilir ki, maaşla dolanan icra başçıları yoxdur. Hansı rayon icra başçısı 800 manat əmək haqqı ilə dolanır? İcra başçılarına çox səlahiyyət və az maaş verildiyi üçün onlar rayonu çapıb-talayırlar”.
Ekspert qeyd edib ki, seçkili yerli özünü idarəetmə orqanlarının fəaliyyətə başlayandan sonra hər rayonda prezidentin səlahiyyətli nümayəndə olmalıdır.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Şou-biznes
Yazarlar
Emil Rasimoğlu
Emil Rasimoğlu
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
Sorğu
Portalımızı dəyərləndirin.
Çox oxunanlar