Xəbər lenti
Azərbaycanda bu partiyalar büdcədən maliyyə yardımı almayacaq
Milli Məclisə növbədənkənar seçkilərdə iştirak etmiş və parlamentdə deputat mandatı qazanmamış partiyaların heç biri dövlət büdcəsindən maliyyə yardımı almaq hüququ qazanmayıb.
Manevr.az-ın məlumatına görə, “Siyasi partiyalar haqqında” qanuna əsasən, dövlət büdcəsindən ayrılan maliyyə vəsaitinin ümumi məbləğinin 10 faizi seçkilərdə az səs toplamış siyasi partiyalar üçün nəzərdə tutulub.
İrəli sürdüyü namizədlər Milli Məclisə keçirilən son seçkilərdə etibarlı səslərin azı 3 faizini qazanan, lakin parlamentdə təmsil olunmayan siyasi partiyalar arasında qazanılan səslərin sayına proporsional olaraq bölünməlidir. Büdcə vəsaitinin 40 faizi parlamentdə təmsil olunan siyasi partiyalar arasında bərabər paylanmalıdır. Qalan maliyyə vəsaitinin 50 faizi isə Milli Məclisə seçilən deputatların sayına proporsional olaraq bölüşdürülməlidir.
Milli Məclisə növbədənkənar seçkilərə 19 siyasi partiya irəli sürdüyü namizədlər siyahısı ilə qatılıb. Həmin partiyalardan 8-i parlament təmsil olunmaq hüququ qazanıb. Yeni Azərbaycan Partiyasının (YAP) parlamentdə 70, Vətəndaş Həmrəyliyi Partiyasının (VHP) 3, Böyük Quruluş Partiyası (BQP), Bütöv Azərbaycan Xalq Cəbhəsi Partiyası (BAXCP), Ana Vətən Partiyası (AVP), Vəhdət Partiyası, Azərbaycan Demokratik Maarifçilik Partiyası (ADMP) və Azərbaycan Demokratik İslahatlar Partiyasının (ADİP) isə parlamentdə 1 deputatı var.
Müsavat Partiyası, Azərbaycan Liberal Demokrat Partiyası, Müasir Müsavat Partiyası, Ümid Partiyası, Milli Dirçəliş Hərəkatı Partiyası, Azərbaycan Milli İstiqlal Partiyası, Azərbaycan Demokrat Partiyası, Böyük Azərbaycan Partiyası, Vahid Azərbaycan Partiyası, Azərbaycan Sosial Rifah Partiyası, Vətəndaş və İnkişaf Partiyasının isə namizədlərinin heç bir deputat seçilməyib. Eyni zamanda bu partiyalardan heç birinin irəli sürdüyü namizədlər Milli Məclisə keçirilən son seçkilərdə etibarlı səslərin azı 3 faizini qazana bilməyib.
Xatırladaq ki, V çağırış Milli Məclisə seçkilərdə də parlamentdə təmsil olunmayan partiyalardan heç birinin irəli sürdüyü namizədlər etibarlı səslərin azı 3 faizini qazanmamışdı. Buna görə də son 4 ildə dövlət büdcəsindən ayrılan maliyyə vəsaitinin ümumi məbləğinin 10 faizi xərclənməmiş qalmışdı.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Şou-biznes
Yazarlar
Emil Rasimoğlu
Emil Rasimoğlu
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
Sorğu
Portalımızı dəyərləndirin.
Çox oxunanlar