_99.jpg)
Xəbər lenti
Daha bir ictimai fəal deputatlığa namizəd oldu
9 fevral 2020-ci il tarixində keçiriləcək növbədənkənar parlament seçkilərində bir çox ictimai fəal deputatlığa namizdəliyini irəli sürüb. Seçkilərdə iştirak üçün müraciət edən şəxslərin bir çoxunun namizədliyi təsdiq olunub. Onlar arasında tanınmış ictimai fəal, “Gənclərin Töhfəsi İctimai Birliyinin icraçı direktoru, Qida Təhlükəsizliyi Hərəkatının həmtəsisçisi Məhsəti xanım Hüseynova da var.
Maner.az xəbər verir ki, M.Hüseynovanın namizədliyi 20 saylı Nərimanov 2-ci Seçki Dairəsindən qeyd alınıb. Bu barədə məlumatı namizəd sosial şəbəkə hesabında paylaşıb: “Bu işdə mənə sözləri ilə mənəvi dəstək olan yaxınlarıma, imza verən, imza toplamağa yardım edən hər kəsə minnətdarlığımı bildirirəm! İndi isə işə davam edərək növbəti mərhələyə keçirik”.
Məhsəti Hüseynova bildirib ki, artıq müşahidəçilər, vəkillər, könüllülər, ümumilikdə komanda formalaşmaqdadır: “Özünü komandamızda görən, hər hansı bir formada köməyi dəyə biləcəyini düşünən hər kəsi yanımda görməyə şad olacam!”
Namizəd qeyd edib ki, nəticədən asılı olmayaraq Azərbaycanın beynəlxalq səviyyədə nüfuzunun artması üçün əlindən gələni əsirgəməyəcək:
“Nəticə nə olur olsun, mən yoluma davam edəcəm, hər hansı sahədə çalışmağımdan asılı olmayaraq daima xalqımızın sağlamlığı və xoşbəxliyi üçün, müstəqil Azərbaycanımın çiçəklənməsi üçün,dünyada nüfuzunun artması və ən yaxşı səviyyədə tanınması üçün əlimdən gələni etdiyim kimi yenə də edəcəyəm.
Çünki mən müstəqil Azərbaycanlı olduğum üçün həqiqətən də fəxr edirəm Azərbaycanımı sevirəm.”
M.Hüseynova Azərbaycan Prezidentinin növbədənkənar parlament seçkilərində gənclərin faəl iştirak etmələrinə çağırışını yüksək qiymətləndirib və ölkə başçısına təşəkkürünü bildirib: “Bir daha cənab Prezidentimiz İlham Əliyevə bu gözəl şəraiti biz gənclərə yaratdığı üçün şəxsən öz adımdan və istedadlı gənclər adından təşəkkür edirəm. Azərbaycan gəncləri daim Prezidentinin yanında olub, dövlət başçısının bütün çağırışlarında onun yanında olub və bu proses bundan sonra da belə olacaq. Hər şey Azərbaycanın Sağlamlığı və Xoşbəxtliyi üçün!”modern.az
Maner.az
Xəbəri paylaş
Çox oxunanlar
Son yüklənənlər
Axtarış
Reklam
Media
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar