.png)
.png)
Xəbər lenti
Milli Şuradan 11 partiyaya mesaj
"Onlarla əməkdaşlıq mümkün deyil və bu, prinsipial mövqedir"
“Mənim 11 partiyanın ADP qərargahına toplanıb müzakirə aparması haqda informasiyam yoxdur. Bu görüşü mütəmadi keçirib-keçirmədikləri, onların blok yaradıb-yaratmadıqlarını da bilmirik”.
Bunu Milli Şuranın Koordinasiya Mərkəzinin üzvü Rafiq Manaflı Teleqraf.com-a bəzi müxalifət partiyalarının son günlər birgə müzakirələr aparmasını şərh edərkən deyib.
Manaflı deyib ki, adətən son günlər Tarif Şurasının qərarı müzakirə edilir və siyasilər bununla bağlı bəyanatlar verir. Bu ümumi məsələdir və hər bir partiya mövqeyini ifadə edir: "Ancaq həmin görüşə Milli Şuranın dəvət olunması haqda bizdə xəbər yoxdur. Bu həftənin çərşənbə günü Milli Şuranın Koordinasiya Mərkəzinin toplantısı olub. Həmin toplantıda şuranın rəhbər heyəti iştirak edib. Amma Milli Şuranın bu tədbirə dəvət edilməsi haqda hər hansı bir məsələ olmayıb. Bu halda onlar kimi dəvət ediblər?”
Milli Şura üzvü həmçinin deyib ki, əslində onlar belə tədbirə dəvət alanda iştirak etmirlər: “Həmin 11 partiyanın içərisində Milli Şuranı yaradan, hətta təsisçisi olan partiyalar mövcuddur. Onlar vaxtı ilə Milli Şuradan uzaqlaşıb və Milli Şuraya ciddi zərbələr vurublar. Son prezident seçkilərindən sonra onların fəaliyyətləri faktiki olaraq bizim yollarımızı ayırıb. Artıq onlarla əməkdaşlıq mümkün deyil və bu, Milli Şura üçün prinsipial mövqedir. Əməkdaşlıq üçün əslində heç situasiya da mövcud deyil. Bu gün əməkdaşlıq söhbətinin ümumiyyətlə, müzakirə müstəvisinə çıxarılmasının əsasları yoxdur”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar