Xəbər lenti
"Ermənistanın Azərbaycana müharibə elan etməyə nə gücü, nə də cəsarəti çatmaz" — Türkiyəli general
Türkiyə Aviasiya Universitetinin rektoru, Hərbi Hava Qüvvələrinin ehtiyatda olan general-mayoru, sabiq millət vəkili Kürşat Atılqan Ermənistan parlamentinin Azərbaycana müharibə elan edilməsi barədə qərarına münasibət bildirib.
Türkiyəli general olkə.az-a açıqlamasında deyib ki, Ermənistanın Azərbaycana müharibə elan etməyə nə gücü, nə də cəsarəti çatmaz:
"Buradan Nikol Paşinyana səslənərək deyirəm ki, əgər Ermənistanın Azərbaycanla müharibə etməyə gücü varsa, buyursun! Yoxsa ki, kağız üzərində müharibə elan etməyin heç bir mənası yoxdur. Bunu qorxaqlar edər. Ümumiyyətlə, Ermənistanın Azərbaycanla müharibə etməyə gücü yoxdur. Bunun üçün Ermənistan və Azərbaycan ordularını müqayisə etmək kifayət edir. Azərbaycanın təkcə hərbi büdcəsi bütövlükdə Ermənistanın dövlət büdcəsindən çoxdur. İndi müharibə etmək Ermənistanın hansı gününə yaraşır? Düşünmürəm ki, Ermənistan müharibə etməyə cəsarət tapsın. Ancaq Ermənistan onu himayə edən dövlətlərin hesabına nəyəsə cəhd edə bilər".
K.Atılqan qeyd edib ki, indi Azərbaycan regionda ən güclü Silahlı Qüvvələrə və Milli Orduya malik olan dövlətdir:
"Azərbaycan ordusunun nə qədər güclü olduğunu ermənilər də çox gözəl bilirlər. Sadəcə olaraq Ermənistanın yeni rəhbəri Nikol Paşinyan Cənubi Qafqazı alovlandırmaq istəyir. Ancaq bunu edərsə, müharibə Paşinyanın sonunu gətirə bilər".
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar