Xəbər lenti
Prezidentin səfəri: Bakıdan Zaqrebə NATO mesajı
Xorvatiya Azərbaycanın Avropada ən önəmli tərəfdaşlarından birinə çevrilib.
Bu sözləri Prezident İlham Əliyevin Xorvatiyaya səfəri ilə bağlı danışan politoloq İlqar Vəlizadə deyib. Ekspert Azərbaycanın Xorvatiya ilə uzun müddətdir dostluq və strateji müttəfiqlik münasibətlərinin mövcud olduğunu bildirib:
“Bu münasibətlər Azərbaycan üçün çox önəmlidir. Çünki Xorvatiya çoxşaxəli iqtisadiyyatı olan bir ölkədir. Bu Avropa dövlətinin iqtisadiyyatı təkcə neft-qaz sahələri ilə məhdudlaşmır, eyni zamanda, daha geniş sahələri əhatə edir. Azərbaycan prezidenti də bir neçə dəfə vurğulayıb ki, Bakı gəmiqayırma, dərmanların birgə istehsalı, sənaye sahələrində çoxşaxəli əməkdaşlığa xüsusi önəm verir. Bu fonda hesab edirəm ki, Azərbaycan Xorvatiya ilə bir sıra mühüm sahələr üzrə əməkdaşlıq edə bilər. Bunun üçün hazırda böyük perspektivlər var. Azərbaycanın illər öncə Xorvatiya zavodlarından sifariş etdiyi gəmilər hazırda ölkə donanmasında fəal şəkildə istifadə edilir”.
Politoloq Azərbaycan prezidentinin Xorvatiyaya səfərinin iki ölkə arasında münasibətlərə mühüm töhfələr verəcəyini düşünür:
“Azərbaycan hazırda Avropa Birliyinin 10 ölkəsi ilə strateji tərəfdaşlıq haqqında saziş imzalayıb. Bunlardan biri də Xorvatiyadır. Düşünürəm ki, Xorvatiya-Azərbaycan münasibətləri birbaşa Avropa Birliyi ilə münasibətlərimizə də müsbət təsir göstərəcək. Xorvatiya Azərbaycan üçün həm də ona görə maraqlıdır ki, bu ölkə NATO-nun fəal üzvüdür, alyansda mühüm mövqedə dayanıb. Dövlət başçısının səfər əsnasında Azərbaycanın NATO ilə münasibətlərinin ardıcıl olaraq inkişaf etdiyini vurğulaması xüsusi siyasi əhəmiyyət kəsb edir. Bu, əslində Xorvatiyaya bir mesaj idi ki, Zaqreb Bakının NATO ilə münasibətlərində də müəyyən yardımçı rol oynaya və alyansda ölkəmizin mövqeyini dəstəkləyə bilər”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar