ABŞ Prezidenti Donald Trampın ictimai şəkildə Ukraynaya hərbi yardımın dayandırılmasına çağırış etməsinə baxmayaraq, onun administrasiyası Ukrayna Silahlı Qüvvələrinə əsas kəşfiyyat məlumatları, o cümlədən peyk görüntüləri və zərbələr üçün hədəf koordinatlarını verməyə davam edəcək.
Manevr.az milli.az-a istinadla xəbər verir ki, Trampın diplomatik proseslərdə fəallığı azaldacağı və silah tədarükünü məhdudlaşdıra biləcəyi ehtimal olunur, amma Ukraynadan tamamilə imtina etməyəcək.
ABŞ siyasətçiləri, xüsusən respublikaçılar, Ukraynanın məğlubiyyətinin Vaşinqton üçün ciddi itkilər yaradacağını anlayır və mümkün olduqda dəstəyi davam etdirməyə hazırdırlar. Tramp administrasiyası isə Ukraynanın Amerika peyklərinə çıxışını dayandırmaq niyyətində deyil, çünki bu məlumatlar dəqiq zərbələr üçün həyati əhəmiyyət kəsb edir.