Xəbər lenti
Qazaxın üç kəndi nə vaxt qaytarılacaq? - Son tarix açıqlandı
Azərbaycan-Ermənistan sərhədinin Qazax-Tavuş istiqamətində demarkasiya işləri ilə bağlı hazırlıq getdiyi haqqında məlumat yayılıb. Əskipara-Bağanis yolu boyunca tikanlı məftillərin çəkildiyi bildirilir. Hətta bu məsələ ilə bağlı Ermənistan qoşunlarının da 500-600 metr geri çəkiləcəyi deyilir. Azərbaycanın eksklav əraziləri olan Qazaxın Yuxarı Əskipara, Bərxudarlı, Sofulu kəndlərinin aprelin 15-dən sonra təhvil veriləcəyi iddia olunur.
Manevr.az-ın xəbərinə görə, mövzu ilə bağlı Teleqraf-a açıqlamasında politoloq Zaur Məmmədov delimitasiya və demarkasiya ilə bağlı işlərin davam etdiyini söyləyib.
O qeyd edib ki, Azərbaycanla Ermənistan arasında sülh mətni üzərində aparılan danışıqlar ərəfəsində belə sərhədlərin delimitasiya və demarkasiyası ilə bağlı vacib addımlar atılıb: “Sülh mətni üzərində konkret razılaşmanın olması fonunda şərti sərhədlərdə digər işlərin görülməsi labüddür. Hələ də Ermənistanın nəzarətində olan Azərbaycanın eksklav kəndlərinin yəni, Qazaxın üç, Naxçıvanın bir kəndinin də qısa zamanda təhvil verilməsi mümkün ola bilər”.
Politoloq Ermənistanda hazırda yaşanan təşviş fonunda vəziyyətin dəyişməsindən çəkindiklərini bildirib: “Ona görə sərhədlərin delimitasiyası və demarkasiyası istiqamətində addımlar ataraq sülh prosesində bunu da irəliyə atılmış addım kimi dəyərləndirməyə çalışırlar. Sözsüz ki, bütün bunların prosesin gedişində necə həllini tapdığını görmək mümkün olacaq”.
O əlavə edib ki, Ermənistan tərəfi sülh və digər məsələlərin həllindən danışsa da Azərbaycan Ordusunun mövqelərinə atəş açılır: "Nikol Paşinyan bu məsələlərin araşdırılmalı olduğunu demişdi. Bütün bunlar nəyin, necə olacağı haqqında dəqiq proqnoz verməyi çətinləşdirir. Ötən gün Ermənistanın Avropa İttifaqı ilə bağlı qərar verməsi, ABŞ-Rusiya danışıqları, Ukrayna məsələsində irəliləyişlərin olmaması da Ermənistan ətrafında bir çox çağırışların olmasını istisna etmir”.
Qeyd edək ki, hazırda Qazaxın Yuxarı Əskipara, Bərxudarlı, Sofulu və Naxçıvan Muxtar Respublikasının Sədərək rayonunun Kərki kəndi Ermənistanın işğalı altındadır.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Emil Rasimoğlu
Fərasət Babazadə
Sorğu
Portalımızı dəyərləndirin.
Çox oxunanlar