.png)
Xəbər lenti
Azərbaycan dezinformasiya ilə mübarizə apararaq, həqiqəti dünyaya çatdırmağa çalışacaq - Müşfiq Məmmədli
"Prezident İlham Əliyevin cari ilin 20 iyul tarixində keçirilən "Yalan Məlumatların İfşası: Dezinformasiyaya Qarşı Mübarizə" mövzusunda 2-ci Şuşa Qlobal Media Forumundakı çıxışında Cənubi Qafqaz regionunda baş verən tarixi transformasiya proseslərini əhatə etməklə yanaşı, regionumuzun beynəlxalq media qarşısında üzləşdiyi çətinlikləri və dezinformasiya təhdidlərinə diqqət çəkdi".
Bunu Manevr.az -a açıqlamasında deputat Müşfiq Məmmədli deyib.
Deputat bildirib ki, dövlət başçısı bu forumda əksər məsələləri, o cümlədən, Qarabağ və Şərqi Zəngəzurda aparılan bərpa işləri ilə bağlı nikbinliyin Azərbaycan cəmiyyəti üçün nə dərəcədə vacib olduğunu, beynəlxalq mediada yayılan yanlış məlumatların reallığı əks etdirmədiyini və Azərbaycanın uzun illər bu dezinformasiyaların qurbanı olduğunu qeyd etdi.
"Əslində, Prezident İlham Əliyevin çıxışı, Azərbaycanın tarixi ədalətini və beynəlxalq ictimaiyyət qarşısında haqq səsini çatdırmaq cəhdinin bir nümunəsi idi. Azərbaycan torpaqlarının 30 illik işğalı dövründə dünya tərəfindən təcavüzkar kimi təqdim edilməsinin və bu yanlış təsəvvürlərin bizə qarşı tətbiq edilən sanksiyalarla nəticələndiyini bir daha vurğuladı. Bu müddət ərzində Prezident Trampın "feyknyus" məsələsi kimi, biz də beynəlxalq medianın Azərbaycan haqqında yaydığı yanlış məlumatlarla mübarizə aparmalı olduq. Dövlət başçısı həmçinin, Azərbaycanın bərpaolunan enerji sahəsində böyük nailiyyətlər əldə etdiyini və iqtisadiyyatın şaxələndirilməsi, yoxsulluğun azaldılması və işsizliyin öhdəsindən gəlmə mövzusunda əhəmiyyətli uğurlar qazandığını qeyd etdi",- deputat diqqətə çatdırıb.
M.Məmmədli, həmçinin bildirib ki, bu nailiyyətlər Azərbaycanı inkişaf edən ölkələrin səviyyəsinə çatdırmışdır:
"Sözsüz ki, Azərbaycan beynəlxalq əməkdaşlığı və tərəfdaşlıqları inkişaf etdirməyə davam edəcək, eyni zamanda, dezinformasiya ilə mübarizə apararaq, həqiqəti dünya ictimaiyyətinə çatdırmağa çalışacaq",- deputat vurğulayıb.
Sevinc
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar