“Rusiyadan asılılıq strateji səhvdir”

Ermənistanın Təhlükəsizlik Şurasının katibi Armen Qriqoryan ölkəsinin Rusiyadan asılılığını strateji səhv adlandırıb.
Manevr.az xəbər verir ki, Qriqoryan bu barədə Ermənistanın İctimai televiziyasına müsahibəsində danışıb. Onun sözlərinə görə, ölkəsi 1991-ci ildən bütün - siyasi, hərbi-siyasi, elmi və iqtisadi sahələrdə Rusiyadan tamamilə asılı vəziyyətdə olub: "Lakin bu strategiya 2020-ci ildə artıq "işlək" olmadı. Rusiya Ermənistana kömək etməmək barədə qərar qəbul edəndə və bizim təhlükəsizlik sistemimiz tamamilə çökəndə, Ermənistan özü üçün alternativlər axtarmağa başladı".