_99.jpg)
Xəbər lenti
Sülh olsa, Aİ missiyası Ermənistandan çıxacaq - Toivo Klaar
İrəvan və Bakı arasında sülh Aİ missiyasını Ermənistandan çıxarmağa imkan verəcək.
Manevr.az xəbər verir ki, bu barədə Avropa İttifaqının (Aİ) Cənubi Qafqaz və Gürcüstan böhranı üzrə xüsusi nümayəndəsi Toivo Klaar Antalya Diplomatik Forumunda panel müzakirələrdə deyib.
"Ermənistan və Azərbaycan arasında sülh və sabitlik o demək olacaq ki, biz, nəhayət, hər üç Cənubi Qafqaz ölkəsi ilə müstəsna olaraq müsbət əməkdaşlıq gündəminə fokuslana bilərik. Həmçinin, etimadın və Aİ-nin sülhə tərəfdarlığının təmin olunması üçün yerləşdirilmiş silahsız Aİ missiyasını, nəhayət, Ermənistandan çıxara bilərik", - deyə o vurğulayıb.
Qeyd edək ki, 2023-cü il fevralın 20-də Aİ Ermənistana mülki missiya (EUMA) göndərib.
EUMA Aİ Şurası tərəfindən rəsmi olaraq 23 yanvar 2023-cü il tarixində təsis edilib. Missiyanın göndərilməsi qərarında qeyd olunduğu kimi, məqsədi Ermənistanın sərhədyanı rayonlarında stabilliyə kömək, yerlərdə əməkdaşlığın tənzimlənməsi və Aİ-nin dəstəyi ilə Ermənistan-Azərbaycan münasibətlərinin normallaşması üzrə səylərə imkan yaradan şəraitin təmin edilməsindən ibarətdir.teleqraf.com
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar