Zelenski Putin gecə ona zəng etsə, telefonu götürərmi? – Maraqlı CAVAB - VİDEO

Fevralın 25-də Ukrayna prezidenti Vladimir Zelenski xarici mətbuat üçün keçirdiyi mətbuat konfransında Rusiya prezidenti Putini aralarında mümkün söhbətlə bağlı suala maraqlı cavab verib.
Xarici medianın xəbərinə görə, jurnalist soruşub: “Əgər Putin sizə gecə zəng etsə, telefonu götürəcəksiniz?” 
Zelenski cavabında deyib: “Əgər onun mobil telefonu yoxdursa, mənim 1917 teleqrafım da yoxdursa, o, mənə necə zəng edə bilər?”
Beləliklə, Ukrayna dövlətinin başçısı Rusiya prezidenti ilə danışıqlara maraq göstərmədiyini bildirib. Onun sözlərinə görə, Kreml rəhbəri ilə dialoq faydasızdır, çünki Putin “başqa reallıqda” yaşayır.
Başqa bir jurnalist Zelenskidən 2019-cu ildə Putinlə apardığı danışıqlar barədə soruşub. Ukrayna prezidenti Kreml rəhbəri ilə Minsk razılaşmalarını, qaz tranzitini və hərbi əsirlərin mübadiləsini müzakirə etdiyini bildirib.
Zelenski Putinlə danışıqları “uzun” adlandırıb. O zaman tərəflər o vaxt mövcud olan müqavilələr üzərində “bazarlıq” ediblər.
Bundan əlavə, Ukrayna prezidenti ötən il Ukrayna Silahlı Qüvvələrinin əks-hücumunun niyə uğursuz olduğunu izah edib. Zelenski qeyd edib ki, Ukraynanın əks-hücum planları hələ başlamazdan əvvəl 2023-cü ilin yazında Kremlin masasında olub.lent.az