.png)
Xəbər lenti
“COP29”-un Azərbaycanda keçirilməsi qərarı beynəlxalq nüfuzun göstəricisidir” – Millət vəkili
“COP29” beynəlxalq konfransının Azərbaycanda keçirilməsi haqqında qərar ölkəmizə beynəlxalq birlik tərəfindən gösrətilən yüksək etimad və inamın, eyni zamanda, Azərbaycanın dünyadakı nüfuzunun göstəricisidir”.
Manevr.az bildirir ki, bu sözləri Turkustan.az-a Milli Məclisin deputatı Aqil Məmmədov Prezident İlham Əliyevin BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasının - COP29-un gələn il ölkəmizdə keçirilməsi ilə əlaqədar müşavirədə çıxışına münasibət bildirərkən söyləyib.
Millət vəkili qeyd edib ki, bəzi Qərb dairələrində Azərbaycana qarşı qərəzli münasibət davam etsə də, dünya birliyinin yekdil qərarları ilə hamı hesablaşmaq məcburiyyətindədir: “44 günlük müharibədən sonra Azərbaycana qarşı başlanan kampaniya antiterror əməliyyatından sonra daha da artmağa başlayıb. Cənab Prezidentin qeyd etdiyi kimi, bu məsələ Fransa öncül rolda çıxış edir və bəzən Azərbaycana qarşı az qala Ermənistan hökumətindən daha sərt mövqe nümayiş etdirirlər. Bu da onu göstərir ki, bəzi Qərb dövlətləri hələ də orta əsrlərə xas “səlib yürüşü” anlayışı ilə yaşayırlar. Erməniləri, Ermənistanı isə müsəlman-türk dövlətlərinə qarşı vasitə kimi istifadə edirlər. Bu gün bölgədə sülh və inkişaf istəyən dövlətlər ancaq hər iki ölkə Azərbaycanla Ermənistan arasında münasibətlərin nizamlanmasından danışırlar. Azərbaycanın da məqsədi bölgədə təhlükəsizliyin təmin olunması, nəqliyyat əlaqələrinin açılmasıdır. Azərbaycan sülhü təklif və tərənnüm edir. “COP29” sessiyasının ölkəmizdən keçirilməsi ideyası həm də bununla bağlıdır”.
A.Məmmədov əmin olduğunu bildirib ki, ölkəmiz bu mühüm beynəlxalq tədbiri layiqincə keçirə biləcək: Azərbaycanın iri beynəlxalq tədbirləri keçirməsi ilə bağlı artıq yetərincə təcrübəsi var. Bu məsələdə Prezident İlham Əliyevin və Birinci Vitse-prezident Mehriban xanım Əliyevanın bilavasitə rəhbərliyi ilə aparılan uğurlu təşkilati işlər hər zaman Azərbaycanın təcrübəsini örnəyə çevirib. Bu baxımdan, “COP29”-un da uğurla keçiriləcəyinə əminəm. Eyni zamanda, bu prosesdə bütövlükdə cəmiyyətin də aktiv iştirakı zəruridir. Nəzərə alsaq ki, iki həftə müddətində ölkəmizə yüz minə yaxın əcnəbi qonaq gələcək, bu prosesdə istimai-siyasi təşkilatların, QHT və medianın ölkəmizi təbliğ və tanıtmaq üçün ciddi fəaliyyətinə ehtiyac olacaq”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar