_99.jpg)
Xəbər lenti
“Azərbaycan bir sıra Avropa ölkələri ilə strateji tərəfdaşdır" - Deputat
“Azərbaycanın bir sıra Avropa ölkələri ilə münasibətləri aktiv şəkildə inkişaf etməkdədir. Bu həm enerji sahəsində, iqsitadi sahədə, eyni zamanda strateji tərəfdaşlığı ehtiva edən əlaqələrdir”.
Manevr.az bildirir ki, bu fikirləri Milli Məclisin deputatı Aqil Məmmədov Prezident İlham Əliyevin cari ilin 10 dekabr tarixində Serbiyanın Niş şəhərində Serbiya-Bolqarıstan Qaz İnterkonnektorunun açılış mərasimindəki çıxışı ilə əlaqədar Turkustana.az-a açıqlamasında söyləyib.
Millət vəkilinin sözlərinə görə Azərbaycanla Bolqarıstan münasibətləri daha qabarıq şəkildə özünü göstərməkdədir: “Azərbaycan və Bolqarıstan münasibətləri bu gün strateji tərəfdaşlıq səviyyəsindədir, dinamik şəkildə inkişaf edir: “Azərbaycan öz enerji resurslarını tərəfdaş ölkələr vasitəsilə Avropaya nəql edir. Cənab Prezidentin bildirdiyi kimi, “Keçən il Avropa İttifaqı ilə Azərbaycan arasında enerji sahəsində strateji tərəfdaşlıq üzrə Anlaşma Memorandumu imzalanmışdır və bu memorandum effektiv şəkildə icra edilir. Bu memoranduma görə, Azərbaycan 2027-ci ilə qədər Avropaya göndərilən qazın həcmini iki dəfə artırmalıdır”. Bu o deməkdir ki, Azərbaycanın qaz ixracı coğrafiyası daha da genişlənir. Hazırda təbii qazımız səkkiz ölkəyə ixrac edilir. Serbiya doqquzuncu ölkədir. Bu doqquz ölkənin yeddisi Avropa ölkəsidir”.
A.Məmmədov Azərbaycanın Avropanın xüsusilə təbii qazla təminatındakı rolunu qeyd edərək Qərbdəki bəzi dairələrin anti-Azərbaycan çıxışlarının anlaşılmaz olduğunu söyləyib: “Azərbaycan Avropa üçün vacib tərəfdaşdır. Amma, bəzən görürük ki, Avropa təşkilatlarında, bəzi Avropa ölkələrinin parlamentlərində Azərbaycana qarşı qərəzli çıxışlar olur, qətnamələr qəbul edlir. Təbii ki, bu daha çox erməni lobbisinin gücü ilə edilir. Lakin, Avropa siyasətçiləri Azərbaycanla Ermənistanı düzgün dəyərləndirərək hansının Avropa üçün vacib tərəfdaş olduğunu özləri üçün müəyyən etməlidirlər”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar