Son günlərdə Laçın sərhəd buraxılış məntəqəsində Azərbaycan dövlətinin qətiyyətli mövqeyi və xarici siyasətdə uğurlar bir çox xarici daxili düşmənlərinin yuxusuna haram qatmışdır. Müxtəlif istiqamətlərdə təxribatçı kombinasiyaların qurulmasının şahidi oluruq. İlk növbədə qeyd edim ki, Azərbaycanın Qarabağda yaşayan erməniləri blokadada saxlaması, etnik təmizliyə hazırlaşması təbliğatının aparılması, Qubad İbadoğlunun konkret cinayət işi ilə bağlı həbs olunması ilə yanaşı xaricdə söyüş müxalifəti ilə Arif Şahmarlı və Cəmil Həsənlinin aktivləşməsi, provakasiyon çıxışların dozasının artırılması çirkin təbliğat zəncirlərinin bir halqasıdır.
Bu prosesdə FETÖ nün da iştirakının ifşası, bu tablonun pərdə arxasındakı rənglərin daha da aydınlaşması baxımından çox önəmlidir. FETÖ nün gizli və qılafa bürünmüş bir virus kimi Azərbaycan ictimai-siyasi həyatına soxulmağa çalışması uzunmüddətli bir projedir.
Radikal və dağıdıcı müxalifətlə konspirativ əlaqələr, zamanında təhsil adı altında perespektivli və maddi imkanları normal olan gənclərə, onların ailələrinə nüfüz etmək siyasəti, vaxtı gələndə siyasi arenada bu faktorlardan istifadə üçün nəzərdə tutulmuşdur.
FETÖ nün ən çox aktiv olduğu sahələrdən biri də elmi çevrələrə yavaş yavaş sızmaq, müxtəlif tədbirlər, elmə dəstək adı altında ölkə daxilində potensial kadrları xaricdə müxtəlif təhsil proqramlarına cəlb edərək onları "verbovka” etməkdir.
Mən düşünürəm ki, Azərbaycanın bu günü və sabahı üçün təhlükə olacaq maskalanmış QHT-çilik və FETÖ çülüklə ciddi mübarizə aparılmalıdır. Bu zaman hansısa proseslər aşkar edildikdən sonra deyil, profilaktik mübarizə və ideoloji mübarizə də aparılmalıdır. Çünki bu beyni yuyulmuş robot insanlar öz mürşidlərinin hər bir əmrlərini yerinə yetirəcək qədər ovsunlaşmışlar. Bu fikirləri söylərkən çox qədim bir rəvayəti xatırlamaq yerinə düşər:
Hasan Sabbahın rəhbərliyi altında olan xaşxaşilər Şərqin aslanı adını alan Səlahəddin Əyyubinin sarayına sızırlar. Hətta bir dəfə yatdığı yastıgın yanına xəncər sancılmış halda sultana mesaj göndərirlər. Amma buna baxmayaraq sultan bu radikal dini təşkilatla mübarizəni davam etdirir.
Bütün bunlar hələ lap qədim zamanlardan dini sektaçılığın dövlət quruculuğunda nə qədər təhlükəli nəticələrə gətirib çıxaracağının bir göstəricisidir.
Lakin bir mühüm nüansı qeyd etmək vacibdir. Azərbaycan güclü dövlətdir. Müstəqil dövlətimizin əsas sütunu olan hüquq mühafizə orqanları indiyədək əməli fəaliyyəti nəticəsində dövlətimizə yönəlik bütün təxribat və çirkin oyunlar qətiyyətlə qarşısı alınmışdır, bundan sonra da bu fəaliyyət daha sərt və kəskin şəkildə davam edəcəkdir.

Müşfiq Məmmədli
Milli Məclisin deputatı

Manevr.az