.png)
Xəbər lenti
Xankəndidən imkanlı ermənilər belə qaçır – Fakt
Beynəlxalq Qırmızı Xaç Komitəsinin aksiya ərazisindən keçirərək, Xankəndidən İrəvana apardığı “xəstələrlə” bağlı bu gün yayılan məlumatlar təzadlı olması ilə ciddi şübhələrə yol açıb.
Manevr.az xəbər verir ki, daşınan “xəstələrlə” bağlı iki fərqli rəsmi xəbər yayılıb.
Məsələn, Beynəlxalq Qırmızı Xaş Komitəsinin Ermənistandakı nümayəndə heyətinin proqram direktoru Zara Amatuni rəsmi açıqlamasında bildirib ki, bu gün də Xankəndidən 5 xəstə İrəvana gətirilib. Yeri gəlmişkən, dünən də BQXK 5 xəstənin aparıldığını elan etmişdi. Zara Amatuni deyib ki, bununla da indiyə qədər Xankəndidən İrəvana gətirilən “ağır xəstələr”in sayı 31-ə çatıb.
Ermənistan Səhiyyə Nazirliyi isə bu gün rəsmi açıqlamasında elan edib ki, Qırmızı Xaç Komitəsinin xətti ilə bu gün Xankəndidən İrəvana gətirilən 4 ağır xəstə xəstəxanalara yerləşdirilib və beləliklə də indiyə qədər Xankəndidən gətirilən xəstələrin sayı 28-ə çatıb.
Göründüyü kimi, bugünkü fərq bir nəfər, ümumilikdə isə 3 nəfərdir.
Belə görünür ki, Xankəndidə “ağır xəstə” olması barədə saxta arayış alıb, BQXK-nin maşını ilə İrəvana gedənlər var. Onlar İrəvana çatan kimi xəstəxanaya yerləşdirilmir və aradan çıxırlar. Buna görə də Xankəndidən aparılan “ağır xəstələr”lə İrəvanda xəstəxanalara yerləşdirilənlərin sayı arasında fərq yaranır.
Saxta arayış alanların isə imkanlı olduğuna heç bir şübhə yoxdur.
Yada salaq ki, bir müddət öncə 1934-cü ildə Bakıda anadan olan, 1989-1991-ci illərdə keçmiş SSRİ-nin geologiya naziri işləmiş Qriqori Qabrielyants Xankəndidən “koronaya yoluxduğu üçün” qaçmışdı. Onun Xocalı aeroportundan qaçarkən bir çamadan pulla getdiyi bildirilirdi. Qeyd edilirdi ki, sülhməramlılar “ağır xəstə” olan Qabrielyatsı helikopterlə Xocalı aeroportundan təxliyə etmək üçün Azərbaycan tərəfindən icazə alıblar.
Qabrielyants isə əlbəttə ki, İrəvanda hər hansı xəstəxanaya yerləşdirilməmişdi.axar.az
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Kriminal
Şou-biznes
Yazarlar
Emil Rasimoğlu
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Sorğu
Portalımızı dəyərləndirin.
Çox oxunanlar