.png)
Xəbər lenti
Xankəndidə qarşıdurma yarandı:Cinayətkar rejim “əl dəyişir”
Rusiyanın siyasi emissarı Ruben Vardanyanın Qarabağa gəlişindən sonra qondarma rejimin rəhbərliyində siyasi qarşıdurma yaranıb.
Manevr.az-ın məlumatına görə, bu barədə “Hraparak” qəzeti məlumat yayıb.
Qeyd edilir ki, cinayətkar rejimin başçısı Araik Arutyunyanın dekabrın 25-də Xankəndidə keçirilən mitinqdə çıxış etməməsi Qarabağda tədricən “hakimiyyət dəyişikliyi”nə başlanıldığını göstərir.
“Paşinyandan imtina edə bilməyən Arutyunyanın yerinə imtina etməyi bacaran Vardanyan “hakimiyyətə” gəlir. Yeri gəlmişkən, mənbələrimiz xəbər verir ki, qarabağlılar və Qarabağ hesabına güzəştə getməyə hazır olanların heç biri yeni kabinetdə olmayacaq. Bizə onu da bildirdilər ki, Ruben Vardanyanla “Təhlükəsizlik Şurasının katibi” Vitali Balasanyan arasında münasibətlər kifayət qədər gərgindir. Əgər əvvəllər Balasanyan ruslarla və azərbaycanlılarla əsas danışıqlar aparan şəxs idisə, indi arxa plana keçib və bazar mitinqinə belə qatılmayıb.
Mənbəmiz deyir ki, Vardanyan tələb edirdi: ya mən, ya da Balasanyan. Vitonun postla vidalaşacağı da istisna edilmir. Hətta bu postda onu Levon Mnatsakanyanın əvəz edə biləcəyi ehtimal edilir. Nəhayət, daha bir detal: “DQR”-in keçmiş “prezidenti” Bako Saakyan hakimiyyət dəyişikliyində fəal iştirak edir və Ruben Vardanyanı dəstəkləyir”,-deyə adıçəkilən qəzet yazır.
Qeyd edək ki, Bako Saakyanın Ruben Vardanyana dəstək verməsi onun Rusiyanın siyasi layihəsi olduğunu bir daha təsdiq edir. Saakyan Moskvanın adamıdır və hələ cinayətkar rejimə rəhbərlik etdiyi dövrdə onun Rusiya Müdafiə Nazirlyinin Baş Hərbi Kəşfiyyat İdarəsinin (QRU) agenti və zabiti olmasına dair məlumatlar ortaya çıxmışdı. Ona görə də bu sifarişin Bako Saakyana Moskvadan gəldiyi şübhə doğurmur.
Eyni zamanda, Saakyan Paşinyana qarşı əks siyasi düşərgədə yer alır və R.Köçəryana dəstək verir. Vardanyan isə Rusiya tərəfindən yalnız Azərbaycana deyil, həm də Paşinyana təzyiq “kart”ı kimi hazırlanıb. Bu baxımdan, Bako Saakyanla Vardanyanı Ermənistan hakimiyyətinə qarşı mübarizə birləşdirir.cebhe.info
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Kriminal
Şou-biznes
Yazarlar
Emil Rasimoğlu
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Sorğu
Portalımızı dəyərləndirin.
Çox oxunanlar