O jurnalistin Laçın yolunda baş verən hadisələr, Rusiya və Ermənistanın atdığı addımlar bağlı suallarını cavablandırarkən bildirib ki, Rusiyanın Azərbaycana ehtiyacı var: “ Azərbaycan Rusiya üçün önəmlidir. İki dövlət arasında bəzi problemlər var. Ancaq onların bəzi sahələr və bəzi sektorlarda tərəfdaşlıqları var və Azərbaycan bir çox səbəblərə görə Rusiya üçün vacibdir. Bu, Azərbaycanın Qafqazda yerləşməsi ilə, tezliklə açılacaq Şimal-Cənub Beynəlxalq Ticarət Dəhlizi ilə bağlıdır. Həm də ona görə ki, Rusiya Azərbaycanı Türkiyənin Qafqazdakı qapısı kimi görür və onun qarşısını almaq üçün Azərbaycana yaxın olmaq istəyir. Ona görə də, Rusiya tərəfinin reaksiya verəcəyini düşünmürəm”.
Meneşyan daha sonra qeyd edir ki, Rusiya Ermənistanla kağız üzərində müttəfiqdir:“Bəli, o, KTMT-nin üzvüdür. Ermənistan və Rusiya arasında müxtəlif müqavilələr imzalanıb. Hazırda Ermənistan Rusiyasız sağ qala bilməz. Yəni o Rusiyadan təbii qaz idxal edir, Türkiyə ilə sərhəddə və Ermənistanın başqa yerlərində də rus əsgərləri var. Gördüyümüz kimi, problemlərə baxmayaraq, Paşinyan və Putin arasında görüş olub, iki ölkə birgə işlərini davam etdirir”.
Meneşyan qeyd edib ki, Ermənistanla Rusiya arasında münasibətlərdə böyük problemlər var.
“Ermənistan KTMT-dən kömək istəyəndə Rusiya imtina etdi. Təbii ki, Bakı ilə çox yaxın münasibətləri olan Belarus və Qazaxıstan da imtina etdi. Nəticədə bu problem yaratdı... Deməli, Rusiya Ermənistanın müttəfiqidir, amma həqiqi müttəfiq deyil. Düzünü desəm, mən Ermənistanı Moskvanın geosiyasi girovu hesab edirəm” -deyə, Meneşyan bildirib.“AzPolitika.info”
