“Sergey Lavrov yeni heç nə deməyib”.
Manevr.az xəbər verir ki, bunu Ermənistan parlamentinin xarici əlaqələr daimi komissiyasının sədri, hakim partiyadan olan deputat Eduard Ağacanyan deyib.

Rusiyanın xarici işlər naziri Sergey Lavrov dekabrın 1-də keçirdiyi mətbuat konfransında Qarabağ problemindən danışıb. O, xüsusilə qeyd edib ki, Qarabağın “status”u məsələsi təxirə salınıb.
“Praqada keçirilən görüşdən sonra Azərbaycan Prezidenti və Ermənistanın Baş naziri özləri ilə Soçiyə elə həmin sənədi gətiriblər. BMT Nizamnaməsini və Alma-Ata Bəyannaməsini rəhbər tutaraq sülh müqaviləsi imzalamaq istədiklərini bildiriblər.
Alma-Ata Bəyannaməsində isə deyilir ki, bütün ittifaq respublikaları SSRİ respublikaları arasında mövcud olan sərhədlərin toxunulmazlığını təsdiqləyir. Başqa sözlə, o zaman Dağlıq Qarabağ Muxtar Vilayəti (DQR) birmənalı olaraq Sovet Azərbaycanının tərkibində idi.
Bilmirəm bu panika nədən yaranıb? Sergey Lavrov yeni heç nə deməyib”, –deyə Aqadjanyan bildirib./konkret.az