.png)
Sözügedən məktubda Azərbaycanla bağlı təxribat və böhtan xarakterli fikirlər yer alıb.
Amerika səfirliyinin Azərbaycanın dəvətini rədd edərək, Şuşa şəhərinə səfərdən imtina etməsindən sonra belə bir addımın atılması növbəti dəfə ABŞ-a ikiüzlü siyasətini ortaya qoyub.
Azərbaycanın ərazi bütövlüyünə hörmətsizlik nümayiş etdirən ABŞ rəsmilərinin separatçılarına dəstəyinin arxasında nələr dayanır?
Bu barədə Modern.az-a danışan politoloq İlqar Vəlizadə əvvəlcə Azərbaycan ərazilərində müvəqqəti qalan separatçıları təbrik edənlərin məqsədinə aydınlıq gətirib. O qeyd edib ki, Amerika Konqresinin üzvləri olan həmin şəxslər erməni lobbisi ilə sıx təmasdadırlar:
"Hətta iri konqresmenlərdən biri olan Mendesin həyat yoldaşı da ermənidir. Ona görə bu insanların canfəşanlığı şəxsi maraqlarının nəticəsidir. Onlar ABŞ-ın dövlət maraqları ilə bunu pərdələməyə çalışırlar. Belə çirkin əməlləri ABŞ-ın mövqeyi kimi qələmə verirlər. Problem odur ki, ABŞ rəsmiləri bu məsələyə münasibət bildirmirlər. Amerikanın dövlət katibi, administrasiyası susur. Nəticədə həmin erməni lobbisi daha da azğınlaşır və daha betər hadisələrə şahid oluruq".
Politoloqun sözlərinə görə, ABŞ-ın dövlət rəsmiləri guya Ermənistan və Azərbaycan arasında münaqişənin bitmədiyi, Minsk qrupunun bərpası və digər reallığı əks etdirməyən fikirlərlə dolu açıqlamalarla gündəmə gəlir. Bu tip fikirlər separatçılara dəstək anlamı daşıyır və qeyri-rasional görünür.
"Çünki ABŞ Donbas, Abxaziya-Osetiya, Dnesteyanıdakı separatçılara qarşı çıxışlar edir, hay-küylü bəyanatlarla gündəmə gəlirlər. Bəs bu nədir? Onda konqresmenlər bu separatçıları da təbrik etsinlər. Niyə etmirlər? Çünki ikili standartların, ikili yanaşmanın təzahürüdür. Lakin yenə də deyirəm, kiminsə şəxsi maraqları, hansısa lobbinin canfəşanlığı altında atılan addımlar Amerikanın nüfuzuna xələl gətirir. ABŞ bu siyasətdən heç nə udmayacaq" , - deyə İlqar Vəlizadə vurğulayıb
