_99.jpg)
Xəbər lenti
Qarabağ ermənilərinin hansı kateqoriyasına amnistiya şamil oluna bilər? - Deputatdan cavab
“Azərbaycan Respublikasının vətəndaşlığını qəbul etməyənlər getsin, harada yaşamaq istəyirsə, yaşasın”.
Manevr.az xəbər verir ki, bunu yenisabah.az-a açıqlamasında Milli Məclisin deputatı Elman Nəsirov deyib.
Onun sözlərinə görə, postmüharibə dövrünün həllini gözləyən məsələlər var:
“Bu, delimitasiya və demarkasiya, nəqliyyat-kommunikasiya əlaqələrinin bərpası və Zəngəzur dəhlizinin işə salınmasıdır. Bundan başqa, Prezident Əliyev dəfələrlə Qarabağdakı erməni mənşəli Azərbaycan vətəndaşlarının heç bir xüsusi imtiyazları, müstəqilliyi, statusu olmayacağını və Azərbaycanın hər bir vətəndaşı ilə eyni hüquqlara malik olacaqlarını vurğulayıb.
Bu gün müzakirə olunacaq əsas məsələ Qarabağda yerləşən erməni əhalinin hüquq və təhlükəsizliyidir. Bununla bağlı qeyd edim ki, BMT-nin terrorla bağlı 12 konvensiyası var. Həmin konvensiyalarda açıq şəkildə göstəririlir ki, terrorçular cinayətkardırr və onlarla danışıq aparılmamalıdır.
Məsələyə bu aspektdən yanaşdıqda hesab edirəm ki, Xankəndi də Azərbaycanın tam yuristiksiyasına keçdikdən sonra orada yaşayan erməni əhalinin siyahıya alınmalıdır. Siyahıya alınma zamanı isə onların qarşısına "Siz Azərbaycan Respublikasının vətəndaşlığını qəbul edib, Azərbaycan Respublikası şəxsiyyət vəsiqəsini almaq istəyirsiz, ya yox" sualı qoyulmalıdır. Qəbul edənlər Azərbaycan Respublikasında yaşayacaq və hər kəslə eyni hüquqlara malik olacaq, qəbul etməyənlər isə getsin, harada yaşamaq istəyirsə, yaşasın”.
Deputat bildirib ki, hazırda Qarabağda yaşayan erməniləri 3 kateqoriyaya ayırmaq olar:
Birincisi, Azərbaycan Respublikasının vətəndaşlığını qəbul etmək istəyənlər; ikincisi, Azərbaycan Respublikasının vətəndaşlığını qəbul etməyənlər; üçüncüsü, hərbi canilər və cinayətkarlar.
"Qarabağda Xocalı qətliamını törədən, terror hadisələrinə əl atan, silahsız əhalini güllə qarşısına verən qanunsuz hərbi birləşmələrə qarşı hər hansı bir amnistiyadan, cəza yüngülləşdirilməsindən və ya əfvdən söhbət gedə bilməz. Onlar məhkəməyə çıxarılmalı və məhkəmənin kəsəcəyi cəzaya uyğun cəzalarını çəkməlidirlər”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar