Yaxın günlərdə Laçın şəhəri və Zabux kəndi Azərbaycana TƏHVİL VERİLƏCƏK" - Oxikyan + FOTOFAKT

“Yaxın günlərdə Laçın şəhəri və Zabux kəndi Azərbaycana təhvil veriləcək”.
Manevr.az konkret.az-a istinadən xəbər verir ki, bunu jurnalist Nairi Oxikyan öz Facebook səhifəsində yazıb. O, Laçında Azərbaycanın tikdiyi yeni yoldan narahatlığını bildirib.
“2022-ci il may ayının ortalarında mən Ermənistanın Baş Nazirinin Ofisinə, Ermənistanın Xarici İşlər Nazirliyinə, Ərazi İdarəetmə Nazirliyinə və Sünik (Zəngəzur) Regional Administrasiyasına yazılı sorğu göndərdim. Partiyanın yolun tikintisindən xəbəri varmı, bu yolun olması Ermənistan hökuməti üçün nə dərəcədə məqsədəuyğundur?
Bütün idarələrin cavabları faktiki olaraq Baş Nazirin Aparatının 8 iyun tarixli rəsmi cavabında ümumiləşdirilmişdir. Burada onların Berdzor (Laçın), Ağavno (Zabux) və ətraf əraziləri təhlükəsizliyə alternativ almadan təslim etməyə hazır olduqları barədə etiraf var.
Kaşatağı (Laçın) Azərbaycan ərazisi hesab edən Baş nazirdən başqa heç nə gözləmək olmaz, ona görə də biz yaxın günlər üçün dəqiq fəaliyyət planı üzərində düşünməli, ümumxalq mübarizəsi yolu ilə Berdzor və Ağavnonun təslim olmasının qarşısını almalıyıq. Əminəm ki, bacararıq.
Bu iki yaşayış məntəqəsində yaşayan ermənilər getməmək qərarına gəliblər. Biz onların qayğısına qalmalıyıq”, – Oxikyan yekunlaşdırıb.
Qeyd edək ki, Azərbaycan və Ermənistan arasında Laçından yan keçən yeni yolun tikintisi başa çatmaq üzrədir.
Ermənilər iyulun 1-ni Laçının “xəyanətkar təslim” günü kimi adlandırsalar da, bununla belə, onların orada nəyisə saxlamaq üçün hələ də bəzi xırda ümidləri qalıb.
Alternativ yolun açılması reinteqrasiya üçün mini-pilot rolunu oynayacaq və bütün proses üçün bir növ katalizator olacaq.
Laçında yaşayan ermənilər qalmaq və ya getmək barədə qərar verməli olacaqlar. Onlar yalnız Azərbaycan vətəndaşı olmaq istəsələr, qala biləcəklər və hər kəsin müraciət etsə belə vətəndaşlıq alacağı məlum deyil. Ermənilərin, ən əsası isə “ağavnistlər”in Laçını tərk etməmək üçün müqavimət göstərməyə çalışacaqları zaman rus sülhməramlıların hərəkətlərini izləmək də maraqlı olacaq.