Ərdoğan Bakıda Əhməd Cavadın şeirini səsləndirdi

“Can Azərbaycanın müstəqillik günündə sizinlə birlikdə olmaqdan məmnunam”
Manevr.az xəbər verir ki, bunu Türkiyə Prezidenti Rəcəb Tayyib Ərdoğan mayın 28-də Bakıda keçirilən "Teknofest Azərbaycan" festivalında çıxışı zamanı deyib.
"Can Azərbaycan xalqına səmimi qonaqpərvərliyinə görə təşəkkür edirəm. Xəzərin incisi Bakıda "Bir millət, iki dövlət" şüarı ilə "Teknofest" festivalını gerçəkləşdiririk", - deyə R.T.Ərdoğan bildirib.
Ərdoğan deyib ki, Qarabağı düşməndən azad edən Azərbaycanla iftixar duyur.
Türkiyə Prezidenti çıxışı zamanı dahi Azərbaycan şairi Əhməd Cavadın şeirindən bir bənd də söyləyib:
“Mən Türk övladıyam, dərin ağlım, zəkam var,
Nə vaxtacan çiynimizdə gəzəcəkdir yağılar?
Nə qədər ki, hakimlik var, məhkumluq var, mən varam.
Zülmə qarşı üsyankaram, əzilsəm də susmaram!”.