Manevr.az-ın xəbərinə görə, mövzu ilə bağlı konkret.az-a danışan politoloq Tural İsmayılov bildirib ki, Rusiya ilə münasibətlər Azərbaycana qarşı təhdid formalaşdırmır: “Azərbaycanın Rusiya ilə münasibətlərinin ona qarşı hansısa sanksiyalara səbəb olacağını düşünmürəm. Nəzərə almaq lazımdır ki, Azərbaycan digər ölkələrlə münasibətlərini neqativ hallara səbəb olacaq şəkildə qurmur. Ölkəmiz Qoşulmama Hərəkatının sədridir. Eyni zamanda Azərbaycan Rusiya ilə təkcə strateji əməkdaşlıq etmir. Avropa Şurası İttifaqı ilə sıx və dərin əlaqələrimiz var. Avropanın enerji təhülkəsizliyində müstəsna rol oynayan Azərbaycanla əməkdaşlığa Qərb xüsusi önəm verir”.

Politoloq fikirlərinə belə davam edib: “Azərbaycanın digər dövlətlərlə əməkdaşlığı üçüncü ölkələrə qarşı yönəlməyib. Belə olan təqdirdə məsələni başqa konteksdə şərh etmək siyasi sabotajdan başqa bir şey deyil. Bütövlükdə Azərbaycan-Rusiya münasibətlərinin indiki vəziyyti və gələcəyi hansısa digər dövlətlərin Azərbaycana qarşı sanksiya tətbiq etməsinə səbəb ola bilməz”.