Xəbər lenti
Şəkər xəstəsinə koronavirus peyvəndi vurula bilər? - Həkimdən AÇIQLAMA
Şəkərli diabeti olan insanlara peyvənd zəruridir, ancaq ciddi həkim nəzarəti son dərəcə vacibdir.
Manevr.az xəbər verir ki, bu barədə medai.az-a açıqlamasında Daxili İşlər Nazirliyinin hospitalının endokrinoloqu Ayna Süleymanova diabet xəstələri və qalxanvari vəzi xəstəliyi olan insanların vaksinasiyası ilə bağlı sualı cavablandırarkən bildirib.
Onun sözlərinə görə, şəkər xəstələrində koronavirus infeksiyasından ölüm faizi və ağır keçirmə riski digərlərinə nisbətən çoxdur.
“Vaksinasiya yalnız xəstənin ümumi vəziyyəti qənaətbəxş olduqda mümkündür”, - deyə mütəxəssis əlavə edib.
Həkim qalxanvari vəzi xəstəliklərinə gəldikdə isə otoimmun genez xəstəliklərini xüsusi qeyd edərək, bu xəstələrdə COVID-19 vaksinasiyasının xüsusi ehtiyatla aparılmalı olduğu barədə xəbərdarlıq etdi.
“Bu günə qədər bu mövzuda olduqca qeyri-müəyyən açıqlamalar var, çünki immunitet aparatının bu vəziyyətdə necə davranacağı bilinmir”, - deyə o, əlavə edib.
Endokrinoloq bildirdi ki, otoimmun tiroidit (Hashimoto), diffuz toksik zob (Greyvs xəstəliyi) və sair vaksinasiyanın əks göstəriş olduğu patologiyalardandır, yaxud xüsusi ehtiyatla aparılmalıdır.
“Hər bir halda, vaksinasiya həyata keçirilməzdən əvvəl, endokrin profili olan xəstələr arzuolunmaz təsirlərdən yan olmaq və sağlamlığı qorumaq üçün bir mütəxəssislə məsləhətləşməlidirlər”, - deyə Ayna Süleymanova vurğulayıb.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar