.png)
Xəbər lenti
Həkim əməliyyatı düzgün icra etməyib - İTTİHAM və CAVAB - VİDEO
Həkim uşağın böyrəyinə stend qoyacağını vəd verib, amma yalnız onu sünnət edib və böyrəyində heç bir əməliyyat icra olunmayıb.
Manevr.az xəbər verir ki, bu iddia ilə Xızı rayon, Yeni Yaşma kənd sakini Gülsüm Şükürova "Xəzər Xəbər"ə müraciət edib.
Onun sözlərinə görə, 1 saylı Kliniki Tibbi Mərkəzin cərrahı Allahverdi Musayev qardaşı nəvəsi Cavid Şükürzadənin böyrəyinə stend qoyulması üçün 2018-ci il martın 9-da 1900 manata onun üzərində cərrahi əməliyyat həyata keçirib.
Gülsüm Şükürovanın iddialarına görə, il yarım sonra uşaq başqa bir həkim tərəfindən əməliyyat olunub və onun böyrəyinin biri kəsilərək götürülüb.
Allahverdi Musayev isə bildirib ki, xəstə yaxınlarının "stend olmayıb" iddiası tamamilə əsassızdır. Uşağı ilk əməliyyat edən Allahverdi Musayev isə bildirib ki, vəziyyəti qiymətləndirmədən əsassız iddialar ortaya atdıqlarına görə qarşı tərəfi məhkəməyə verməyə məcbur olacaq.
Məsələ ilə bağlı cərrah Eldar Hüseynova da müraciət etdik. "Onu deyə bilərəm ki, uşaq mənə gələnə qədər bir dəfə böyrəkdən əməliyyat olunub və ona stend qoyulub. Bir həkim kimi bunu təsdiqləyə bilərəm. Ancaq uşağın böyrəyi bərpa olunmadığından biz sonradan əməliyyatla məcbur olub o böyrəyi tamamilə götürdük və hazırda uşağın vəziyyəti normaldır",-deyə cərrah Eldar Hüseynov deyib.
Qeyd edək ki, Cavid Şükürzadə adlı uşaq bu yaxınlarda böyrəyinin biri sıradan çıxdığına görə əməliyyat olunub və hazırda vəziyyəti yaxşıdır.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar