Sizin Reklam Burada
Xəbər lenti
21 iyun
20 iyun
BÜTÜN XƏBƏRLƏR

Gec qocalmağın 6 SİRRİ - Yaşlanmaq istəmirsinizsə, OXUYUN!

Tarix: 13-06-2018 21:26     Baxış: 3104 A- / A+
Gec qocalmağın 6 SİRRİ - Yaşlanmaq istəmirsinizsə, OXUYUN!


Bir çox qadın var ki, onlar yaşlandıqca sanki heç qocalmırlar. Dəriləri təmizdir və göz kənarlarındakı mimik xətləri çıxmaq şərtilə üzlərində qırışları demək olar ki, yoxdur. Onlar çox tez-tez elə gülürlər ki, sanki bütün işləri həmişə yağ kimi gedir. Və hər birinin cavanlıq sirri müxtəlifdir. Eyni zamanda ümumi nələrsə var. Hansısa əsas prinsipləri...

Manevr.az
bu yazıda qadınları cavan saxlayan əsas qaydalarla tanış edib.

Birinci qayda: Qidalanmaya nəzarət edin


Cavan qalmaq üçün ilk növbədə bağırsaqlarınız saat kimi işləməlidir. Qəbizlik orqanizmin zəhərlənməsi və dəri rənginin solması deməkdir. Şərq təbabətinə əsasən nazik bağırsaqlar orqanizmin kökləri sayılır. Əgər ağacın kökləri möhkəmdirsə, onda müvafiq olaraq ağac çiçəklənir və o, daha gözəl olur. Ağacın kökləri rütubətli olduqda isə təravətini itirir, solmağa başlayır. Eyni qayda bağırsaqlar üçün də keçərlidir. Bağırsaqların fəaliyyəti normal və sağlam olarsa, müvafiq olaraq, orqanizm də sağlam işləyəcək və insan ömrü uzunacaq. Bağırsağın sağlamlığı isə əlbəttə ki, yeməkdən asılıdır: Təzə tərəvəz və meyvələr, təmiz su, az yağlı xəmir, salatlar və sıyıq, həmçinin səhərlər çobanyastığı çayı dərinin gözəl qalmasına çox kömək edir.

Su haqqında: Dərinin vəziyyəti, aktivlik və bədəninin qaməti içdiyimiz suyun kəmiyyət və keyfiyyətindən xeyli dərəcədə asılıdır. İnanmırsınız? Bunu sübut etmək asandır.

Dərinin epidermis qatında zülal lifləri - cavanlaşdırıcı qabiliyyətə malik kollagenlər var. Suya düşən zaman onların həcmi artır. Qabarmış kollagen daxildən dərinin təzyiqini artırır ki, bunun sayəsində qırışlar yox olur və ya azalır.

Dərinin hamarlığı bu prosesdən asılıdır. Odur ki, çəkinizə müvafiq olaraq hər gün su içmək - dərinin cavanlığını saxlamaq və bir çox sağlamlıq problemlərinin yaranmasının qarşısını almaq və ya həll etməyin ən əlverişli üsuludur. Su orqanizmi oksigen və həyat enerjisi ilə dolduracaq. Və tezliklə siz üzünüzdə (sözün əsl mənasında) nəticəni görəcəksiniz: dəriniz hamar, parlaq və yumşaq olacaq.

İkinci qayda: Möhkəm yuxu


Doyunca yatmamaq dəri və saç gözəlliyinin ən qəddar düşmənidir! Gün ərzində 8 saat yatmağa çalışın. Yuxu haqqında aparılan araşdırmalar da göstərib ki, gecələr tez yatan insanların dərisi daha cavan qalır.

Möhkəm yuxu insana Allahın qiymətli hədiyyəsidir. Yuxu qiymətli vaxtının itkisi deyil, o orqanizmin gümrah qalmasını və sağlam olmasını təmin edən prosesdir. Yuxudan sonra bədən rahatlaşır, mənən təmizlənir, əlavə emosiyalar, gərəksiz məlumatlar silinir və yalnız faktlar yadda qalır.

Üçüncü qayda: Təmiz hava gözəlliyin dostudur!


Əgər siz bütün gün ofisdə oturaq vəziyyətdə çalışırsınızsa, heç olmasa bir neçə dayanacaq evə piyada gedin. Pəncərənin nəfəsliyi də daim açıq olmalıdır, qışda isə otaqların havasını tez-tez yeniləyin. İstirahət günlərində açıq havada çoxlu gəzin. İnsanın özünü həm mənəvi, həm də fiziki baxımdan yaxşı hiss etməsi üçün bir saatda təxminən otuz kubmetr təmiz hava qəbul etməlidir.

Gözəllik və cavanlığın daha bir mühüm sirri hamamdır. Bizim dərimiz canlı orqanizmdir, orqanizmdə isə toksinlər yığılır və biz daim bu elementləri bədəndən təmizləməliyik. İnsan bədənindəki toksinlər dəri vasitəsilə böyrəklərdən 3 dəfə çox xaric olmalıdır. Buna isə buxar hamamı vasitəsilə nail olmaq olar.

Bununla yanaşı bəzi mütəxəssislər sabunla yox, qarğıdalı unu ilə yuyunmağı məsləhət görürlər. Lakin bu zaman çox qaynar su istifadə etmək olmaz.

Dördüncü qayda: Vitaminlər!


Vitaminləri haradan əldə etmək lazım olduğunu deməyə ehtiyac yoxdur. Bunu indi balaca uşaqlar da bilir. Əlbəttə ki, siqaret, spirtdə və ya şirniyyatlarda deyil. Qış menyusuna meyvə quruları daxil edin. Suya şəkər əlavə etmədən quru meyvələrdən qışda kompot hazırlayın, səhərlər isə yulaf yarmasına qaysı qurusu və kişmiş əlavə edin. Həmçinin mütəmadi olaraq itburnu şirəsi için, onun dadı turşməzə olmalıdır, yalnız onda bədənə kifayət qədər vitamin daxil olacaq.

Hər gün bir neçə qaşıq yulaf yarması, porsiya üzrə pomidor, portağal, bir neçə fincan yaşıl çay və yoqurt yeməklə qocalıq və yorğunluq barədə unutmaq olar. Əlbəttə, idmanla məşğul olmaq haqqında unutmaq olmaz.

Mütəxəssislər "möcüzə-məhsulları" siyahısına bunları daxil edib: Lobya və qarağat, kələm brokkoli, yulaf, portağal, balqabaq, soya, qızıl balıq, ispanaq, qara və yaşıl çay, pomidor, hinduşka əti, qoz və yoqurt. Pəhrizin nəticə verməsi üçün bütün sadalanan məhsullardan həftədə 4 dəfə yemək lazımdır.

Beşinci qayda: Daxili harmoniya və ruhun vəziyyəti

Gənc qalmaq istəyirsinizsə, pis hisslərdən uzaq olmalısınız. Bu qayda digərlərindən qat-qat önəmlidir. Əgər cavanlığınızdakı kimi zarafatıetməyi və gülməyi yadırğamamısınızsa, əgər siz xeyirxahsınızsa və heç kimə qibtə etmirsinizsə, sevdiyiniz iş və məşğuliyyətləriniz varsa, qocalanda sizin simanız gözəl və nurlu qalacaq. Odur ki, plastik əməliyyatlar lazım olmayacaq!

Cavanlıq cövhəri

Hesab olunur ki, bu resept həqiqətən də hüceyrələri gənc saxlayır, onu 30 yaşdan sonra içmək məsləhət görülür. 200 qr çobanyastığı, 100 solmaz çiçəyi (Qumluq ödotu), 100 qr qaxotu və 100 qram tozağacı tumurcuqlarını qarışdırın. Əldə edilən çaylardan 1,5 xörək qaşığı yarım litr qaynar suya əlavə edib qarışdırın. Bir çay qaşığı bal əlavə edib axşam yatmazdan əvvəl və səhər yeməkdən yarım saat əvvəl bir stəkan için.

Müalicə kursunu bir ay ərzində davam edin. Onu bir də beş ildən sonra təkrarlamaq olar.

Altıncı qayda: Qadının yaşını onun boynu və əlləri ələ verir


Əllərin qayğısına qalmaq haqqında biz nədənsə tez-tez unuduruq. Onların görünüşünə vərdiş edirik, lakin zaman keçdikcə dəridə artıq qırışlar həddindən artıq açıq-aşkar görünməyə başlayır və ləkələr əmələ gəlir. Temperaturun dəyişməsindən əllərin dərisi daha çox əziyyət çəkir, nəinki qoruyucu və tonal kremlərlə örtülmüş yanaqlar. Ev işlərini əlcəksiz görmək əllərin dərisini bir az da zədələyir.

Bizim nənələrimiz yazda və payızda nahaq yerə əlcək taxmırdı. Onlar bununla əllərinin dərisini günəşdən və havanın digər təsirlərindən qoruyurdu. Nəticədə əlləri zərif və cavan qalardı. Odur ki, nazik zərif yaz əlcəkləri ərköyünlük deyil, sadəcə dərinin bayağı müdafiə vasitəsidir./publika.az








Adınız:*
E-Mail:
Şərhiniz:
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Renk Seç | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoiler Ekle
Sorğuya cavab yazın:
Saytımızın adının ilk hərfini yazın
Cavabınız:*
Kodu yazın: *



Çox oxunanlar




Son yüklənənlər


Axtarış

Reklam

İqtisadiyyat
Media
Ədəbiyyat
İdman
Kriminal
Şou-biznes
Elan
Yazarlar
Təqvim

«    İyun 2018    »
BeÇaÇCaCŞB
 123
45678910
11121314151617
18192021222324
252627282930 
Sorğu


Portalımızı dəyərləndirin.
Çox gözəl portaldı
Yaxşı portaldı
Yaxşıdı ...anma...
Yaxşı ola bilər
Xoşlamadım



Çox oxunanlar