.png)
Xəbər lenti
Artıq bu xəstələr əməliyyat üçün XARİCƏ GETMƏYƏCƏK - Azərbaycanda İLK
Hazırda Milli Oftomologiya Mərkəzində 3000-dən çox xəstə gözün buynuz qişasının transplantasiyası əməliyyatını gözləyir.
Publika.az-ın xəbərinə görə, bu sözləri Akademik Zərifə Əliyeva adına Milli Oftomologiya mərkəzininin aparıcı elmi işçisi Fərəh Abduləliyeva jurnalistlərə açıqlamasında deyib.
Onun sözlərinə görə, bu günlərdə prezident İlham Əliyevin verdiyi fərman artıq həmin şəxslərin ölkəmizdə əməliyyat edilməsinə imkan verəcək:
“Xəstələrin 10-20 faizini uşaqlar təşkil edir. Buynuz qişalar ABŞ, Rusiya, İrandan gətiriləcək. Artıq bu transplantların ölkəyə gətirilməsi üçün danışıqlar aparılır. Yaxın günlərdə transplantlar ölkəyə gətiriləcək. Bir neçə həftəyə buynuz qişanın transplantasiyası əməliyyatı ilk dəfə ölkəmizdə icra ediləcək. İlk mərhələdə təcili əməliyyata ehtiyacı olan şəxslər əməliyyat olunacaq. Sonra isə növbəli şəkildə ehtiyacı olanların hamısı əməliyyata cəlb ediləcək”.
Bu xəstəliyin əsasən 18 yaşdan sonra müşahidə edildiyini vurğulayan F.Abduləliyeva sözlərinə belə davam edib: “Keraktokonus xəstəliyini, buynuz qişanın zədələnməsi kimi problemi yaşayan şəxslərdə, habelə yaşlı adamlarda əvvəlki göz əməliyyatlarından sonra yaranan problemlərə görə buynuz qişanın transpalntasiyasına ehtiyac olur:
“Bu xəstələr ölkəmizdə əməliyyat edilə bilmədiyindən xarici ölkələr-Rusiya, İrana üz tuturdular. Artıq bu xəstələr ölkəmizdə əməliyyat ediləcək. İlkin mərhələdə bu əməliyyatı ölkədə yalnız 4 həkimin icra etməsinə icazə verilib. Bu əməliyyatlar Milli Oftomologiya Mərkəzi və Respublika Diaqnostika Mərkəzində icra ediləcək”.
F.Abduləliyeva bildirib ki, hazırda mərkəzdə buynuz qişa bankı yaradılır:
“Gələcəkdə buynuz qişanın transplantasiyası üçün xaricdə donor gətirməyə ehtiyac olmayacaq”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar