.png)
Xəbər lenti
Bu xəstələr qırmızı əti rasiondan çıxarmalıdır - HƏKİM MƏSLƏHƏTİ
Qurban bayramına sayılı günlər qalıb. Belə ki, bayram günlərində hazırlanan təamların həddən çox kalorili olması bizi arzuedilməz problemlərlə qarşı-qarşıya qoya bilər.
Bayramda qoyun, quzu ətindən dadlı yeməklər hazırlanacaq. Mütəxəssislər deyir ki, bəzi xəstəliklərdən əziyyət çəkənlər bu günlərdə daha diqqətli olmalıdır.
Həkim dietoloq Amaliya Rəhimova metbuat.az-a açıqlamasında deyib:
“Qoyun ətinin fayda və zərərlərini tərəziyə qoysaq, hər bir qida məhsulunda olduğu kimi buna da birmənalı yanaşmaq düzgün deyil. Dahi Paraselsin dediyi kimi, “hər şey zəhər, hər şey dərmandır” və onun zəhər və ya dərman olması qədərindən, yəni dozasından asılıdır. Balanslı qida rejiminə riayət edən praktiki sağlam insan üçün qırmızı ətin, o cümlədən, qoyun ətinin müntəzəm deyil, vaxtaşırı qəbulu, heç bir zərər verə bilməz”.
Həkim əlavə edib ki, müəyyən xəstəliklər; revmatoid artrit, hipertoniya, ürək damar xəstəlikləri və s. zamanı qırmızı ətin rasiondan çıxarılması iltihabı xeyli azaldır, mümkün ola biləcək krizlərin qarşısını alır.
Qoyun ətinin faydaları nələrdir?
Quzu əti yüksək miqdarda proteinlə zəngindir. Gündəlik protein ehtiyacının 60.3 faizini qarşılayır. Qoyun əti isə dəmir qaynağıdır. Quzu əti həmçinin, maqnezium, kükürd və selenyum baxımından zəngindir. Quzu ətində olan yağın yarısı insan sağlamlığı üçün faydalı olan doymamış yağ turşusundan əmələ gəlir.
Gündə 100-150 qr quzu əti yemək sink ehtiyacının 40 faizini qarşılayır. B12 vitamini ilə zəngin olan qoyun əti anemiya (qanazlığı) xəstəliyinin qarşısını alır.
Qoyun ətinin zərərləri nələrdir?
Qoyun ətindən xörək hazırlayarkən çalışmaq lazımdır ki, ətin yağlı hissəsindən istifadə olunmasın. Belə olan halda qoyun ətindən istifadə etməklə xolesterinin miqdarını aşağı salmaq mümkündür.
Ehtimal olunur ki, qırmızı ətdə olan zəngin yağlar ürək sisteminin fəaliyyətinə mənfi təsir göstərir, emal olunmuş ətdə olan duz isə təzyiqin yüksəlməsi səbəbindən ürək xəstəlikləri riskini artırır.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar