Aksiyalar dövründə Laçın-Xankəndi yolundan neçə erməni keçib? - BQXK-dən CAVAB

28 aprel tarixində Beynəlxalq Qızıl Xaç Komitəsi (BQXK) humanitar neytral vasitəçi rolunda çıxış edərək, tibbi yardıma ehtiyacı olan 13 nəfərin Laçın yolu ilə keçərək Ermənistana təxliyə olmasına yardımçı olub.
BQXK-dən verilən məlumata görə, 19 dekabr 2022-ci il tarixindən bəri BQXK humanitar neytral vasitəçi olaraq, Laçın koridoru boyu 49 tibbi təxliyə həyata keçirib.
Bu əməliyyatlar zamanı 378 nəfər xəstə və onları müşayət edən şəxslər təxliyə olunub. Bundan əlavə, tibb müasisələri üçün dərman ləvazimatı, ərzaq təminatı və uşaq yeməkləri çatdırılıb. 

BQXK həmçinin, 283 nəfərin Ermənistana, 313 nəfərin isə Ermənistandan Laçın yolu ilə keçərək ailələri ilə qovuşmasına yardımçı olub: "Biz əlaqədar qurumlarla dialoqu davam etdiririk və neytral vasitəçi olaraq, humanitar məsələlərin qarşılanması istiqamətində dəstək verməyə hazırıq".