Toplantıdan sonra qondarma rejim bəyanat yayaraq, Rusiyadan onları xilas etmələrini xahiş etdilər, eləcə də BMT-yə müraciət etməklə, beynəlxalq müstəvidə yardım əldə etməyə çalışdılar. Lakin erməni mənbələr Araikin keçirdiyi qapalı toplantıda separatçıların hər şeyin sona çatdığı reallığını qəbul etdiklərini yazır.

Məlumatlara görə, toplantıda bundan sonra nə edə biləcəkləri müzakirə olunub və müxtəlif fikirlər irəli sürülüb.

1. Bakının reinteqrasiya təklifini qəbul etmək: lakin bu fikir böyük ölçüdə rədd edilib, çünki toplantı iştirakçılarının hamısı Azərbaycan qanunvericiliyini pozan şəxslərdir və həbs ediləcəklərini anlayırlar;
2. Azərbaycanla müharibə aparmaq və bununla həm də birgəyaşayışın mümkün olmadığını, reinteqrasiyanın baş tutmayacağını beynəlxalq ictimaiyyətə göstərmək, həmçinin, separatçıların “tərəf” olduğunu nümayiş etdirmək: bu fikir daha çox dəstək əldə edib, hərçənd, separatçılar Rusiyanın mövqeyini anlamaqda çətinlik çəkirlər. Çünki mövcud situasiyada Moskva onları müdafiə edə bilmir və daha çox Bakının istəkləri nəzərə alınır;
3. Diplomatik müstəvidə “mübarizə aparmaq”: sonda bu qərar üzərində dayanılıb və beynəlxalq ictimaiyyətdən dəstək əldə etmək məqsədilə addımlar atılması razılaşdırılıb, lakin bunun da nəticə verəcəyi gözləntisi azdır.

Erməni mənbələr yazır ki, Xankəndidəki qapalı toplantıda yekun qərar verilməyib. Araik başda olmaqla separatçı dəstənin başçıları konkret nə edəcəklərini bilmirlər. Bir çoxu xilas olmaq üçün qaçmaq haqda da düşünürlər. Separatçıların əsas qorxularından biri də erməni əhalisinin tədricən Azərbaycan vətəndaşlığını qəbul etməsi və onlara etiraz etməyə başlamasıdır.

Hazırda Xankəndidə ciddi çaxnaşmanın olduğu haqda məlumatlar var.publika.az