_99.jpg)
Xəbər lenti
“Yeni Azərbaycan” qəzetinin maliyyəsi azaldıldı
Kütləvi İnformasiya Vasitələrinin İnkişafına Dövlət Dəstəyi Fondu (KİVDF) "Yeni Azərbaycan” qəzetinin maliyyəsini azaldaraq onu günaşırı nəşrlərə aid edib.
Manevr.az xəbər verir ki, yanvarın 6-da fond ilin birinci yarısında qəzet redaksiyalarına aylıq maliyyə yardımının göstərilməsi üzrə müsabiqənin nəticələrini açıqlayıb.
Üç sahə üzrə qalib elan olunan qəzetlər gündəlik (həftədə beş dəfə), iki sahə üzrə qalib elan edilən qəzetlər günaşırı (həftədə üç dəfə), bir sahə üzrə qalib elan olunan qəzetlər isə həftədə bir dəfə nəşr olunmaq imkanı qazanıb.
"Yeni Azərbaycan” qəzeti iki sahə üzrə qalib elan edilib. Bu o deməkdir ki, KİVDF indiyədək gündəlik çıxan "Yeni Azərbaycan” qəzetinin bu ilin birinci yarısında yalnız günaşırı (həftədə üç dəfə) nəşrini dəstəkləyəcək.
"Yeni Azərbaycan” qəzeti hakim Yeni Azərbaycan Partiyasının mətbu orqanıdır. Qəzet 1993-cü il aprelin 10-dan çıxır.
Yeni Azərbaycan Partiyası 1993-cü ilin payızından hakimiyyətdədir. Partiyanın sədri hazırkı dövlət başçısı İlham Əliyevdir.
"Yeni Azərbaycan” qəzetinin baş redaktoru Hikmət Babaoğlu Milli Məclisin üzvüdür.
Novator.az saytı KİVDF-nin bu ilin birinci yarısında qəzet redaksiyalarına aylıq maliyyə yardımının göstərilməsi üzrə müsabiqəsinin bütün nəticələrini təqdim edir.
Üç sahə üzrə qalib elan olunan qəzetlər:
"525-ci qəzet”
"Bakı xəbər”
"Səs”
"Şərq”
"Yeni Müsavat”.
İki sahə üzrə qalib elan edilən qəzetlər:
"Yeni Azərbaycan”
"Azernews”
"Ədalət”
"Hürriyyət”
"Xalq Cəbhəsi”
"Novoye vremya”.
Bir sahə üzrə qalib elan olunan qəzetlər:
"Azad Azərbaycan”
"Həftə içi”
"Nedelya”
"Olaylar”
"Paralel”
"Türküstan”
"Unikal”
"Hərbi and”.
Kütləvi İnformasiya Vasitələrinin İnkişafına Dövlət Dəstəyi Fondu 2009-cu il aprelin 3-də yaradılıb. 2009, 2013 və 2017-ci illərdə prezident İlham Əliyev Vüqar Səfərlini qurumun icraçı direktoru təyin edib.
2020-ci il aprelin 4-də prezident Vüqar Səfərlini icraçı direktor vəzifəsindən çıxarıb. Dövlət başçısının digər sərəncamı ilə Əhməd İsmayılov icraçı direktor təyin olunub.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar