Xəbər lenti
Mətbuat Şurası MTN-ə çalışan jurnalistlərin de-şifrə edilməsində istintaqa yardım edirmi? - Müşfiq Ələsgərli: “Mətbuat Şurasının missiyası fərqlidir”
“Qurum yalnız etik prinsiplərə əməl edilib-edilməməsi ilə bağlı dəyərləndirmə aparır”
“MTN işi” gündəmə gəldiyi ilk vaxtlarda mətbuatda bəzi jurnalist və media orqanlarının bu qurumun tapşırığı ilə sifarişli yazılar yazdığı ilə bağlı məlumatlar yer aldı ki, bu informasiyadan yola çıxan bir çox hüquqşünas həmin şəxslərin cəzalandırılmasının vacibliyi ilə bağlı şərhlər, açıqlamalar səsləndirdi.
Maraqlıdır, Mətbuat Şurası MTN-ə çalışan jurnalistlərin de-şifrə edilməsində istintaqa yardım edirmi? Yaxud istintaq tərəfindən həmin jurnalistlərin müəyyən edilməsinə yardım göstərilməsi ilə bağlı Mətbuat Şurasına hər hansı müraciət daxil olubmu?
Moderator.az-a açıqlamasında məsələyə münasibət bildirən Mətbuat Şurasının sədr müavini Müşfiq Ələsgərli təmsil etdiyi qurumun tamam fərqli missiya daşıdığını vurğuladı:
“Mətbuat Şurasının işi KİV-lərdə dərc olunmuş, işıqlandırılmış məqalələrdə etik prnsiplərə nə dərəcədə əməl edilib-edilməməsini müəyyənləşdirməkdir. Digər hərəkətlərlə bağlı Mətbuat Şurası araşdırma və dəyərləndirmə aparmır. Mətbuat Şurası prinsipial məqamlarda, ölkəmiz üçün taleyüklü məsələlər olanda, məsələn cəbhə xəttində gərginlik, qarşıdurma baş verəndə, dövlət qurumları ilə əməkdaşlıq şəraitində önləyici addımlar atdı. Məsələn, Müdafiə Nazirliyi ilə birgə dəyirmi masa keçirdi, jurnalistlərə hansı növ informasiyalar hazırlayanda həssas davranmalı olduqları barədə bilgilər verdi. Həmçinin, bu bilgilərə sayqısız yanaşan, informasiya təhlükəsizliyi ilə bağlı sərhədləri aşan KİV-lərə xəbərdarlıq edildi, bu məqamda Baş Prokurorluqla birgə tədbirlər keçirildi.
Amma “MTN işi” ilə bağlı belə bir addım atılmayıb. Hər halda mən bu barədə bilgili deyiləm. Bu başqa bir məsələdir ki, Mətbuat Şurasının zaman-zaman mübarizə apardığı, etik prinsipləri pozduqlarına görə xəbərdarlıq etdiyi, adlarını “Qara siyahıya” saldığı KİV-lərin əksəriyyəti, sonradan “MTN işi”ndə üzə çıxdı. Məlum oldu ki, onların bir qismi MTN adına ləkə gətirən məlum qrupla əlbir işləyiblər, ayrı-ayrı vətəndaşların şərlənməsi kampaniyalarında iştirak ediblər. Bu da Mətbuat Şurasının dəyərləndirmələrinin nə dərəcədə dəqiq, obyektv olduğunu təsdiqlədi”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar