Xəbər lenti
Jurnalist Elşad Eyvazlıya mükafat verildi - “Böyüməyən Uşaqlar”a görə
Bu gün Bakı Dövlət Universitetində Türk Dünyası sənədli filmlər festivalının Azərbaycandan olan qaliblərinin mükafatlandırılma mərasimi keçirilib. Tədbirdə çıxış edən rektor, akademik Abel Məhərrəmov bildirib ki, Türk Dünyası Jurnalistlər Federasiyası Türk Dünyası sənədli filmlər festivalını təşkil etməklə çox nəcib bir işi gerçəkləşdirib.
Son zamanlar türk dünyası xalqlarının konsolidasiyası istiqamətində çoxsaylı tədbirlərin keçirildiyini diqqətə çatdıran rektor qeyd edib ki, Azərbaycan türk xalqlarını birləşdirən çoxsaylı təşkilatlarda aktiv şəkildə təmsil olunur, bir sıra birliklərin yaranmasında təşəbbüskar qismində yaxından iştirak edir. Türk dövlətləri arasındakı əməkdaşlıq istiqamətləri müxtəlif media quruluşlarını da əhatə etməkdədir. Bu, həm təcrübə mübadiləsi, ən əsası isə xalqların bir-birinə daha sıx şəkildə inteqrasiyası baxımından olduqca önəmlidir.
Mükafatlandırma mərasimində Azərbaycan Mətbuat Şurasının sədri, millət vəkili Əflatun Amaşov çıxış edərək bildirib ki, Türk Dünyası Jurnalistlər Federasiyasının Türk dünyası sənədli filmlər festivalına 70-dən artıq film təqdim olunub. Azərbaycan da həmin festivalda iştirak edib və təqdim edilən filmlərdın üçü mükafata layiq görülüb.
Türk Dünyası Jurnalistlər Federasiyasının rəhbəri Menderes Dəmir isə bildirib ki, festivala Azərbaycandan 7 film təqdim olunub. Radion İsmayılovun “Doğma ocağı” filmi 3-cü yerə layiq görülüb. Bəxtiyar Qaracanın “İşığın sınma bucağı” və Parlament Jurnalistləri Birliyinin sədri Elşad Eyvazlının “Böyüməyən uşaqlar” filmləri isə ayrı-ayrı nominasiyalar üzrə mükafatlara layiq görülüb.
Sonra qaliblərin mükafatlandırma mərasimi keçirilib.(Modern.az)
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Kriminal
Şou-biznes
Yazarlar
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar