Əl-Cəzirə Media Şəbəkəsinin aparıcı jurnalisti, peşəkar təlimci Məhəmməd Qulam Bouba BAMF-ın və Ednews.net Analitik informasiya portalının əməkdaşlarına təlim keçmək ücün 30 avqust 2022-ci il tarixdə Bakıya gəlir.
İki tərəfdaş təşkilatın qarşılıqlı anlaşmasına əsasən Əl-Cəzirə Media Şəbəkəsi Elektron Media, Yeni Media sahəsində qazandıgı təcrübəsini və öz standarlarını regionda əsas partnyoru olan BAMF-la paylaşacaq.Təlimlər nəzəri və praktik hissələrdən ibarət olmaqla 11 sentyabra kimi davam edəcək. Əl-Cəzirə tərəfindən təlim keçmək ücün görəvləndirilən təlimci eyni zamanda Beynəlxalq Mətbuat İnstitunun üzvü, tanınmış beynəlxalq media ekspertidir.
Bakıda BAMF-ın ofisində baş tutacaq beş günlük nəzəri təlimlərdən sonra Məhəmməd Qulam Bouba  Ednews.net-in əməkdaşları ilə birlikdə Əl-Cəzirə Media Şəbəkəsi və onlayn xəbər saytı üçün Azərbaycandakı mina problemi haqqında hesabat hazırlayacaq. Təlimlərdən sonra qurumlar arası anlaşmaya əsasən Əl-Cəzirə Media Şəbəkəsi və BAMF arasında davamlı informasiya mübadiləsinin həyata keçirilməsi planlaşdırılır. Yeri gəlmişkən bu ilin mart ayında əməkdaşlıq memorandumu imzaladığımız Əl Cəzirə Media Şəbəkəsi ilə 10 ildən çoxdur ki, bizim uğurlu əməkdaşlıq təcrübəmiz vardır . Azərbaycan Media camiyəsində  fəaliyyət göstərən ərəb və ingilis dilli jurnalist həmkarlarımızı da bu əməkdaşlıqdan faydalanmaga dəvət edirik.