.png)
Xəbər lenti
“Nəsimi poeziyasında insan himni” kollektiv monoqrafiyası işıq üzü görüb
İmadəddin Nəsiminin 650 illiyinə həsr olunmuş Moskvada keçirilən konfransın materialları kitab şəklində çap olunub. Konfrans 2019-cu ildə Heydər Əliyev Fondunun Rusiya Federasiyasındakı nümayəndəliyi tərəfindən keçirilib. Konfrans zamanı Moskvada Nəsiminin büstünün açılışı olub. “Nəsimi poeziyasında insan himni (Şərq və Qərbin mənəvi və mədəni dəyərlərinin sintezi)” mövzusunda keçirilən konfransda AMEA Nizami Gəncəvi adına Ədəbiyyat İnstitutunun alimləri də iştirak ediblər.
Konfransın təşkilatçıları arasında Rusiya EA Fəlsəfə İnstitutu, AMEA Nizami Gəncəvi adına Ədəbiyyat İnstitutu, AMEA Fəlsəfə İnstitutu, M.V.Lomonosov adına MDU-nun Asiya və Afrika Ölkələri İnstitu, Rusiya EA A.M.Qorki adına Dünya Ədəbiyyatı İnstitutu və başqaları da var.
Monoqrafiyanın elmi redaktorları filologiya elmləri doktoru F.Əzizova və akademik A.Kubelindir. Həmçinin kitabın tərtibçisi də Fəridə Əzizovadır.
Monoqrafiyada AMEA-nın vitse-prezidenti, Nizami Gəncəvi adına Ədəbiyyat İnstitutunun baş direktoru, akademik İsa Həbibbəyli ilə yanaşı, institutun digər əməklaşlarının da məqalələri yer alıb. Həmin məqalələrin müəllifləri Ədəbiyyat İnstitutunun Orta əsrlər Azərbaycan ədəbiyyatı şöbəsinin müdiri Fəridə Əzizova, Ortaq başlanğıc və intibah dövrü Azərbaycan ədəbiyyatı şöbəsinin müdiri İmamverdi Həmidov, Ədəbiyyat İnstitutunun direktor müavini Aygün Bağırlı və filologiya üzrə fəlsəfə doktoru Firudin Qurbansoydur.
Kollektiv monoqrafiyada Azərbaycandan başqa Rusiya, Qazaxıstan, Özbəkistan, Tacikistan, Ukrayna, Polşa, İngiltərə, Avstriya, Finlandiya alimlərinin də Nəsimi haqqında tədqiqatları nəşr olunub.
Gülnar Səma
Nizami Gəncəvi adına Ədəbiyyat İnstitutu,
İctimaiyyətlə əlaqələr şöbəsi
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar