.png)
Xəbər lenti
Aşıq Şəmşir Muzeyində şair Nəsib Nəbioğlu ilə görüş keçirilib - FOTOLAR
“Aşıq Şəmşir” Mədəniyyət Ocağı İctimai Birliyinin nəzdində fəaliyyət göstərən Aşıq Şəmşir Muzeyində kəlbəcərli gənclərin tanınmış şair, Azərbaycan Yazıçılar Birliyi Moskva Bölməsinin katibi Nəsib Nəbioğlu ilə görüşü keçirilib.
Manevr.az xəbər verir ki, tədbiri giriş sözü ilə “Aşıq Şəmşir” Mədəniyyət Ocağı İctimai Birliyinin sədr müavini Həbib Misirov açaraq iştirakçıları İctimai Birliyin sədri Qənbər Şəmşiroğlunun adından salamlayıb. O, bildirib ki, Nəsib Nəbioğlu Kəlbəcər ədəbi mühitinin ən istedadlı nümayəndələrindən biridir və uzun illərdir ki, Rusiyada ədəbiyyatımızı, mədəniyyətimizi təbliğ edir.
Sonra tədbirin aparıcısı – Bakı Dövlət Universitetinin dosenti, fililogiya üzrə fəlsəfə doktoru Ələmdar Cabbarlı Nəsib Nəbioğlunun yaradıcılığı haqqında geniş məruzə ilə çıxış edib.
Daha sonra “Aşıq Şəmşir” Mədəniyyət Ocağı İctimai Birliyinin Layihələr Departamentinin direktoru Həqiqət Şükürova şairin yaradıcılığı haqqında fikirlərini bölüşüb.
Tədbirdə Nəsib Nəbioğlunun şeirləri gənc aşıq – Mədəniyyət və İncəsənət Universitetinin tələbəsi Göyçə Ömürlünü ifasında saz havaları üstündə səsləndirib, eyni zamanda kəlbəcər məktəbliləri şairin şeirlərindən nümunələr söyləyib, ona suallarını ünvanlayıblar.
Tədbirin sonunda Nəsib Nəbioğlu “Aşıq Şəmşir” Mədəniyyət Ocağı İctimai Birliyinin sədri Qənbər Şəmşiroğluna və iştirakçılara öz minnətdarlığını bildirib, yeni şeirlərini oxuyub.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar