.png)
Xəbər lenti
“Kitabxanaya kitab hədiyyə edirik” aksiyası davam edir -Yasamal rayon MKS-inə müəllifin hədiyyəsi
Manevr.az xəbər verir ki, Yazıçılar Birliyinin “Natavan” klubunda yazıçı-publisist Zöhrə Əsgərovanın “Одиссея «Корабля дураков» kitabının təqdimatı keçirilmişdir. Təqdimatı “Ədəbiyyat” qəzetinin əməkdaşı, şair Sərvaz Hüseynoğlu açmışdır. O, müəllifin milli-mənəvi dəyərlərə, dünya mədəniyyətinə həsr etdiyi kitablar haqqında danışdı. Və qeyd etdi ki, Zöhrə Əsgərova kulturologiya sahəsində apardığı araşdırmalarda aktual problemlərə özünəməxsus təhlillər verməyi bacaran yazıçıdır. Bu mövzular “Talelərə yazılan musiqi”, “Tarixi yaddaş və qondarma əhvalatlar” kitabında öz geniş əksini tapmışdır. Yazıçının incəsənət sahəsinin bir çox janrlarına həsr olunan kitablarında fəlsəfi düşüncələr, milli-mənəvi dəyərlərimizin inkişafındakı tarixi nailiyyətlər qələmə alınmışdır.
Tədbirdə Heydər Əliyev adına Sarayın direktoru Fərhad Babayev, Bakı şəhər Mədəniyyət Baş İdarəsinin Yasamal rayon Mərkəzləşdirilmiş Kitabxana Sisteminin direktoru, YUNESKO-nun “İnformasiya hamı üçün” Proqramının Azərbaycan komitəsinin sədri, tarix doktoru Lətifə Məmmədova, veteran-jurnalist İntiqam Mehdiyev, yazıçı-politoloq Reyhan Mirzəzadə, jurnalst Firuzə Nadir, jurnalist Eldar Həsənov, Əməkdar artist Suqra Bağırzadə, Gənclər və İdman Nazirliyinin məsul işçisi Məryəm Qafarzadə və başqaları çıxış etmişlər.
“Одиссея «Корабля дураков» kitabında əsasən sürrealizm janrında yaradan insanların fərqli təfəkkürü, yaradıcılıq axtarışları müəllif tərəfindən hərtərəfli təhlil edilmişdir. Kitabda müəllif oxucuları dünya mədəniyyətinin inkişafında əvəzsiz xidmətləri olan dahi insanlarla daha yaxından tanış edir.
Kitabın müəllifi, yazıçı-publisist Zöhrə Əsgərova “Одиссея «Корабля дураков» kitabını Yasamal rayon MKS-inə hədiyyə etdi.
İctimaiyyətin və ziyalıların xahişi ilə Yasamal rayon MKS-inin təşəbbüsü ilə təşkil olunan “Kitabxanaya kitab hədiyyə edirik” aksiyasının vaxtı uzadılıb.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar