.png)
Xəbər lenti
İşğal altındakı torpaqlarımızda teatr binaları da dağıntıya məruz qalıb - Nazir
Azərbaycan dövləti daim teatr sənətinə böyük diqqət yetirib və yetirməkdə davam edir.
Manevr.az-ın məlumatına görə, bunu V Bakı Beynəlxalq Teatr Konfransının açılış mərasimində çıxış edən mədəniyyət naziri Əbülfəs Qarayev deyib.
Onun sözlərinə görə, artıq 147-ci ilini yaşayan Azərbaycan teatrı bu gün ölkəmizi xaricdə layiqincə təmsil edir: "Azərbaycan teatrının tarixi bu gün Dövlət İrəvan Teatrının 135 illik tarixindən kənarda düşünülə bilməz. Bu gün teatr xalqımızın başına gələn bəlalardan da kənarda qalmayıb. Azərbaycanın torpaqlarının 20 faizi işğal altındadır. Bu torpaqlarda təkcə mədəni sərvətlərimiz, abidələrimiz dağıdılmayıb, oradakı teatr binalarına da ziyan dəyib. İrəvan, Ağdam, Füzuli, Şuşa teatrları bu gün Azərbaycan dövlətinin diqqəti və qayğısı sayəsində başqa yerlərdə yenə də öz yaradıcılıq fəaliyyətini dayandırmırlar. Bu fəaliyyət cəmiyyətə sübut edir ki, sənət ölməzdir, daimidir".
Ə.Qarayev deyib ki, bu gün Azərbaycan teatrı yalnız Bakıda deyil , regionlarda da inkişaf edir. Yaxın vaxtlarda Gənc Tamaşaçılar Teatrının 90 illiyi qeyd olunacaq: "Bu gün Azərbaycanda 26 dövlət teatrı ilə yanaşı, bizim layihələrlə zəngin olan Üns Teatrı, bələdiyyə teatrları var. Biz bütün teatrların fəaliyyətinin dəstəklənməsinə xüsusi önəm veririk və bundan sonra da veriləcək".
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar