2 oktyabr – Xurşidbanu Natəvanın anım günüdür

Manevr.az bildirir ki, bu gün Bakı şəhər Mədəniyyət Baş İdarəsi Yasamal rayon MKS-inin X.B.Natəvan adına 4 №-li kitabxana filialınında görkəmli Azərbaycan şairəsi Xurşidbanu Natəvanın anım günü qeyd olundu.Kitabxanaçılar Bakı Dövlət Universitetinin və Azərbaycan Dillər Universitetinin tələbələri ilə birlikdə Natəvanın Bakı şəhəri Nizami küçəsindəki heykəli ətrafında toplaşaraq mülahizələr söylədilər, şairəninin xatirəsini ehtiramla yad etdilər.
Kitabxanaçılar Azərbaycan Milli Konservatoriyasının nəznində İncəsənət Gimnaziyasının IX “a” sinfinin müəllim və şagirdləri ilə birlikdə X.B.Natəvanın anım günü ilə əlaqədar tədbir təşkil etdilər. X.B.Natəvanın xatirəsi bir dəqiqəlik sükütla yad edildi.
Tədbirdə X.B.Natəvan adına 4 №-li kitabxana filialının müdiri T.Əmirova çıxış edərək şairənin həyat və yaradıcılığından danışdı. O, qeyd etdi ki, Xurşidbanu Natəvan 15 avqust 1832-ci ildə Şuşada anadan оlmuşdur. Mehdiqulu xan qızına öz anası Xurşidbanunun adını vermişdir. Çıxışda Natəvanın lirik şeir və qəzəllərindən danışıldı. T.Əmirovanın məruzəsinin xülasəsi Yasamal rayon MKS-inin Veb saytında
http://yasamal.cls.az/front/files/libraries/81/documents/857124716.pdf yerləşdirilib. Tədbirdə iştirak edən müəllimlər şairə haqqında şagirdlərə maraqlı məlumat verdilər. Şagirdlər Natəvanın qəzəllərindən parçalar söylədilər.