Xəbər lenti
O cür sənətkarın qızı küçələrdə qala bilməz, bu qaranlıq iş dərhal araşdırılmalıdır - Rasim Balayev
"Ceyhun Mirzəyevin qızı şair olub, gözəl şeirləri vardı. Ceyhun həmişə onun şeirlərindən danışardı. Belə istedadlı və eyni zamanda imkanlı bir gənc küçələrdə qala bilməzdi. Onun qaranlıq taleyi dərhal araşdırılmalıdır”.
Manevr.az bildirir ki, bunu qaynarinfo-ya açıqlamasında Xalq artisti Rasim Balayev deyib. Aktyor bildirib ki, Azərbaycan Kinematoqrafçılar İttifaqı bu məsələ ilə bağlı bəzi qurumlara müraciət edəcək:
"Onu belə qoya bilmərik, mütləq bir tədbir görülməlidir. Azərbaycanın Rusiyadakı səfirliyinə müraciət etmək lazımdır. Onlar qızı daha tez tapacaq. Biz ayrı-ayrı təşkilatlara müraciətlər hazırlayırıq və edəcəyik də. Amma nəticəsi necə olacaq, bilmirəm”.
Rasim Balayev bu prosesdə qaranlıq məqamların olduğunu xatırladıb:
"O cür sənətkarın qızı küçələrdə qala bilməz. Anası prokuror olub, yaxşı yaşayıblar, imkanları geniş olub. Orada nə baş verib, qızın evini kim əlindən alıb və s. suallar cavabsızdır. Araşdırılmalıdır. Onlar Bakıda evlərini satıb həmin pula Rusiyada ev alıblar. Anası rəhmətə gedəndən sonra qız necə olub küçələrə düşüb? Bunun cavabı tapılmalıdır”.
Qeyd edək ki, "Ögey ana” və "Fəryad” filmlərinin baş qəhrəmanına həyat verən mərhum aktyor Ceyhun Mirzəyevin qızı Cəmalə Mirzəyevanın Rusiyanın paytaxtında küçədə yaşamasına dair faktlar yayımlanıb. Bu barədə "Bizimləsən” verilişində aparıcı Zaur Baxşəliyev bildirib.
Xatırladaq ki, Ceyhun Mirzəyevin çəkdiyi və aktyor kimi çəkildiyi son film "Fəryad” olub. O, 47 yaşının tamamına az qalmış - 1993-cü il martın 5-də vəfat edib. Aktyorun həyat yoldaşı Lidiya Mirzəyeva isə 2015-ci ildə dünyasını dəyişib.
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Yazarlar
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Sorğu
Portalımızı dəyərləndirin.
Çox oxunanlar